"Музейдеги табылбай жаткан экспонаттар мындан 40-50 жыл мурда жоголгон" дейт адис

Борбордогу Михаил Фрунзе атындагы музейден бир канча экспонаттар жана Михаил Фрунзеге таандык буюмдар жоголгон. Бул маалыматты SUPER.KG порталына Маданият, маалымат жана туризм министрлигинин Маданий мурастарды сактоо жана өнүктүрүү башкармалыгынын башкы адиси Гүлбара Абдыкалыкова тастыктады.

"Бизге 2014-жылы борбордогу жалпы музейлерди текшерүү буйругу түшкөн. Ошондо Михаил Фрунзе атындагы музейден бир канча экспонаттар жок болуп чыккан. Бирок жоголгон буюмдарга өз-өзүнчө акт түзүлгөн экен, анда экспонаттар 1960-1980-жылдар аралыгында жоголгону жазылган. Ага карабастан 2015-жылдан тарта териштирүү иштери жүрүп, ушул жылы кылмыштуу курамдын жоктугуна байланыштуу тергөө токтотулган", - деди ал.

Ал эми аталган музейдин сактоо бөлүмүнүн жетекчиси Гүлмира Таабалдиеванын айтымында, музейден жалпысынан 104 экспонат жоголгон.

"Мен бул кызматка 2015-жылы келгем. Ошол кезден тарта музейдеги экспонаттарды териштирип, изилдөө иштери жүрө баштаган. Көрсө, буга чейин бир да жолу текшерүүдөн өткөн эмес экен. Жыйынтыгында, 104 буюм-тайым жок болуп чыккан. Анын арасында сааттар, тарыхый сүрөттөр, медалдар жана башка экспонаттар бар. Жоголгон буюмдардын баарынын болбосо да, көбүнүн акт жана түшүндүрмө кагаздары табылган. Натыйжада алар 1960-жылдан 1984-жылга чейин жоголгондугу аныкталган. Мындан улам биз алгач Маданият, маалымат жана туризм министрлигине кайрылганбыз. Алар бул ишти Биринчи Май РИИБине тапшырышкан. Кийин эсептик палата, каржы полициясы да аралашып, жыйынтык чыкпаган соң ушул жылы тергөө иштерин токтотушкан", - деди ал.

Белгилей кетсек, буга чейин Михаил Фрунзе атындагы музейден бир топ буюм-тайымдардын уурдалганы боюнча маалымат тараган.

Автор: Наргиза Талантбекова

14:09 15-11-2017

Жазылуу

РУБРИКАДАГЫ СОҢКУ КАБАРЛАР

23:31 2025-07-13 | Түркүн дүйнө

АКШнын Юстиция министрлиги мурда Трампка каршы иштеген кызматкерлерин кетирди 506 0

22:03 2025-07-13 | Саясат

Каналдагы сууга агып кеткен 21 жаштагы жигиттин сөөгү табылды 1596 0

19:43 2025-07-13 | Түркүн дүйнө

Израилдин июндагы Иранга болгон соккусунда өлкөнүн президенти жаракат алды 1863 0

19:07 2025-07-13 | Коом жана турмуш

Автобус айдаган аксакал менен жеңил унаанын айдоочусу жакалаша кетти (видео) 2232 0

18:20 2025-07-13 | Коом жана турмуш

Казакстанда жолдошуна экинчи аял алып берген аялдын видеосу тарады 2661 0

18:02 2025-07-13 | Саясат

Сузактагы үйү өрттөн жабыркаган эки үй-бүлө жаңы турак жайлуу болушту (сүрөттөр) 1152 0

Архив

Комментарийлер (7)

almanbetperm

2017-11-15 14:30:26

Ошону озунор эле жок кылгансынарда

nurbekasr

2017-11-15 14:42:10

Биз билбейбиз деп оозүңарды куу чөп менен аарчыбай,ошол убакытка чейин ким иштеген кимдер жоопкер болгон изилдеп тапкыла да.Жанакы бир кишинин буйругун аткарган күч струтуралары ушуга окшогонду иликтеш керек да.Текебаев Жапаро ж бларды соттогондон көрө ушуларды издеп таап жазаласа миң эсе сооп пайда иш болмок.

ajdaaar

2017-11-15 14:45:09

Калп эле эски дата менен жасалма акт тузушту да...

СССР убагында тартип кучтуу болуучу, баары козомолдо болуучу... Жоголгон нерселер акыркы 5-15 жыл ичинде эле жоголгон... Элди алдагандан уялбайсынарбы?!!

1-2 жыл илгери Тарых музейин ремонттоо учурунда орт чыгып канчалаган экспонаттар талкаланып, куйгону куйуп кеткен... Экспонат уурдап ордун билдирбоонун бир жолу атайылап орт чыгаруу эмеспи!!! Ошол ортту шылтап коптогон экспонаттарды уурдап кетишти Тарых музейинен..

elchi84

2017-11-15 14:54:44

Сатып буттунорго баардыгын эми ушул экспонаттар калдыбы сатпаганынар.

Tyty1990

2017-11-15 15:20:44

Колтугундун жунун сат

nurbekasr

2017-11-15 15:24:46

Былтыр да борбордук тарых музейинде өрт чыкты кылып,канчалаган баалу буюмдарды күйүп кетти кылып ташып алышты экен баалулуугуна карап.Болбосо тарых музейде неге өрт чыксын жөн турган буюмдардан,же мумия ысырык салды бекен.Ушуга окшогондорду табышмак кылбай издегиле,а так дагы 5 6 жылда музейиңер голяк калат.

Farm94

2017-11-15 20:26:12

Оббоооо бизде карга карганын козун чокубайт мэн эч качан ишенбейм биздин органдарга кудай сактасын тфу тфу

Комментарий калтыруу үчүн өз ысымыңыз менен кириңиз же каттоодон өтүңүз.