"ЭЛДИК КАБАРга" жооп: "Жалал-Абад-Балыкчы жолу бардык техникалык стандарттарды сактоо менен курулуп жатат"

"Элдик кабар" рубрикасына окурман Жалал-Абад-Балыкчы унаа жолунун курулушу техникалык талаптарга жооп бербестигин айтып сүрөт менен коштолгон билдирүү жөнөткөн.

"Жалал-Абад-Балыкчы унаа жолунун сапаттуу салынып жатышынан күмөнүм бар. Анын курулушу кантип жана кандай жолдор менен жүрүп жатканын көзөмөлдөөчү органдар талаптагыдай текшербей жатат. Мен ошол жолдун 338-384-чакырымын куруу учурунда 3 жыл эмгектендим", - деп билдирген окурман.

Ал эми Жалал-Абад-Балыкчы унаа жолу техникалык стандарттарды сактоо менен сапаттуу курулуп жаткандыгын аталган жолдун курулуш иштерин көзөмөлдөп жаткан туруктуу инженердин жардамчысы Мирислам Жекшеев билдирди.

"2014-жылдын 1-апрелинен баштап салынып жаткан Жалал-Абад-Балыкчы унаа жолу бардык техникалык стандарттарды сактоо менен курулуп жатат. Ал эми сиздердин кабарыңыздарда жарыяланган сүрөт, Жалал-Абад-Балыкчы унаа жолунун 338-384-чакырымынын курулушу жүрүп жатканда, бир жыл мурун тартылган сүрөт. Сүрөттө көргөзүлгөн жерге атайын жол таптоочу каток кирбегендигине байланыштуу, B5 үлгүсүндөгү бетон куюлушу керек. Биз стандарттарга ылайык ошол үлгүдөгү бетонду куюп, анан атайын жол таптоочу каток киргенге мүмкүнчүлүк түзүлгөн соң гана үстүнө шагыл төгүп, төгүлгөн шагылды ар 30 сантиметр сайын таптап көтөргөнбүз. Сапаттуу, стандарттарга ылайык жолдун курулган чакырымын тийиштүү органдар текшерүүгө алып, андан соң өткөзүп алышкан", - дейт Жекшеев.

Мындан тышкары инженердин жардамчысы бул кабар аларга күтүүсүз болгонун жана аталган жол сапаттуу курулуп жаткандыгын дагы бир ирет айтып өттү.

Автор: Айзада Тураркулова

14:31 15-11-2017

Жазылуу

РУБРИКАДАГЫ СОҢКУ КАБАРЛАР

23:31 2025-07-13 | Түркүн дүйнө

АКШнын Юстиция министрлиги мурда Трампка каршы иштеген кызматкерлерин кетирди 506 0

22:03 2025-07-13 | Саясат

Каналдагы сууга агып кеткен 21 жаштагы жигиттин сөөгү табылды 1596 0

19:43 2025-07-13 | Түркүн дүйнө

Израилдин июндагы Иранга болгон соккусунда өлкөнүн президенти жаракат алды 1863 0

19:07 2025-07-13 | Коом жана турмуш

Автобус айдаган аксакал менен жеңил унаанын айдоочусу жакалаша кетти (видео) 2232 0

18:20 2025-07-13 | Коом жана турмуш

Казакстанда жолдошуна экинчи аял алып берген аялдын видеосу тарады 2661 0

18:02 2025-07-13 | Саясат

Сузактагы үйү өрттөн жабыркаган эки үй-бүлө жаңы турак жайлуу болушту (сүрөттөр) 1152 0

Архив

Комментарийлер (9)

Krai

2017-11-15 14:35:19

Актана бергиле эми

elchi84

2017-11-15 14:46:16

Дагы эмне десин.

Tyty1990

2017-11-15 15:18:27

Мурас ордодо кытайлар менен иштештим. Жол куруу стандартка жооп бербейт. Латокторду ылай топурак менен эле эки четин толтуруп жатышат. Стандарт боюнча астыга шагыл тошолуп анан кум тогулуш керек. Бир кар жааса латоктор отуруп кетет. Эки четин болсо цемент раствор менен толтуруш керек. Кытайлар топурак менен толтуруп бетин эле цементтеп коюшту. Бир кышта кайра бузулат.

Baiko128

2017-11-15 15:38:44

Силер туну менен иштесенер эчаак эле бутуп коймоксунарго

Tynystan7799

2017-11-15 16:16:20

Эртең эле билинет.

Aikyn93

2017-11-16 01:56:05

Кыргызстан жолдору стандартка жооп бербейт каяктагы жомокту айтып жатат.

Maxatbek

2017-11-16 05:14:24

В5 эң сапаты төмөн бетон

ali1995

2017-11-16 19:48:32

Элдик кабардын номерин бергилечи ватсап

admin_superstan

2017-11-20 11:53:53

ali1995, +996 557 47-39-39

Комментарий калтыруу үчүн өз ысымыңыз менен кириңиз же каттоодон өтүңүз.