Каржы министрлиги: "10 айда бюджетке киреше түшүрүү планы 101 пайызга аткарылды"

2017-жылдын 10 айында республикалык бюджетке киреше түшүрүү планы 101 пайызга аткарылды. Каржы министрлигинин 15-ноябрдагы маалыматына таянсак, ушул жылдын январынан октябрына чейин мамлекеттик казынага 107 миллиард 904 миллион 900 миӊ сом түштү. Планга ылайык 106 миллиард 851 миллион 800 миӊ сом топтоо каралганын билдирет министрлик. 2016-жылдын 10 айына салыштырмалуу быйыл бюджеттин кирешеси 11 миллиард 107 миллион сомго же 11 пайызга көп.

Белгилей кетсек, 2017-жылдын республикалык бюджетинин жалпы кирешеси 126 миллиард 828 миллион 600 миң сом өлчөмүндө каралган. Бул 2016-жылкы бюджеттен 2 миллиард 428 миллион сомго көп.

Автор: Автандил Добулбеков