Парламент комитетинде авиабилеттердин баасын арзандатуунун жолдору тууралуу талкууланды

Кечээ, 28-ноябрда парламенттин тийиштүү комитетинде авиабилеттердин баасын арзандатуунун жолдору тууралуу талкууланды. Жогорку Кеңештин басма сөз кызматы билдиргендей, комитеттин көчмө жыйыны “Манас” эл аралык аэропортунда өттү.

Маалыматка ылайык, буга чейин Жогорку Кеңештин депутаттарына өлкө ичиндеги авиакаттамдардын билетинин баасы туруксуз болуп, өтө эле кымбаттап кетип жаткандыгы боюнча шайлоочулар тарабынан бир катар кайрылуулар түшкөн.

Авиакомпаниялардын жетекчилеринин айтымында, күн мурунтан алынган билеттер убактысынын узактыгына жараша 1500 сомдон 2500 сомго чейинки баада сатылат. "Ал эми бүгүн-эртең учабыз дегендер зарылдыгына жараша билеттерди 4 миң, айрым учурда андан да кымбат баада сатып алышат. Бирок мындай кымбат баада сатылган билеттердин пайыздык катнашы, авиакомпаниялардын жетекчилеринин айтканына караганда, жалпы сатылган билеттердин 2,3 же андан да төмөн 0,8 пайызды түзөт”, - деп жазылат маалыматта.

Монополияга каршы жөнгө салуу боюнча мамлекеттик агенттиктин директору Шухрат Сабиров авиабилеттердин өздүк наркы 20 пайыздан жогору кескин кымбаттабаса, мыйзам ченеминен чыккан баа бычуу катталбаса кийлигишүүгө негиз жок экенин белгиледи.

Жогорку Кеңештин депутаттары авиабилеттердин баасын турукташтырууга, билет баасынын кескин кымбатташына жол бербөөгө чакырышты.

Автор: Жылдыз Джускембаева

08:57 29-11-2017

Жазылуу

РУБРИКАДАГЫ СОҢКУ КАБАРЛАР

18:02 2025-07-13 | Саясат

Сузактагы үйү өрттөн жабыркаган эки үй-бүлө жаңы таурак-жайлуу болушту (сүрөттөр) 14 0

17:05 2025-07-13 | Саясат

Көлбаев атындагы тоннелдин жолдоруна августтун аягына чейин асфальт төшөлөт 295 0

16:53 2025-07-13 | Түркүн дүйнө

Парижде жаңы мамлекетти түзүү жөнүндө келишимге кол коюлду 414 0

16:17 2025-07-13 | Түркүн дүйнө

Испанияда мигранттар менен жергиликтүүлөрдүн массалык мушташы катталды (видео) 543 0

15:23 2025-07-13 | Коом жана турмуш

ӨКМ: Көл-Төр көлүнүн жолунда жайгашкан айыл элинин тынчсыздануусуна негиз жок 416 0

15:03 2025-07-13 | Саясат

Оштун мэри нөшөрлүү жаанда шаарды каптаган суунун себебин айтты (видео) 1241 0

Архив

Комментарийлер (4)

Bolunbo.kyrgyz

2017-11-29 09:10:29

1000 сом кылсаныздар

Bars88

2017-11-29 09:40:51

Ошондо кандай болду.Мындан ары кымбаттатпагыла ушу баада сата бергиле дегениби.

Paolo

2017-11-29 17:24:23

Талкууга алынып эле келатат арзандабайт го

adjo_krsu

2017-11-29 18:54:06

Эл учун деп, бааны 1500 сомдун тегерегине караштырса го. А Депутаттар эшектин тушоосун чече албаган эле, баш оорулар. Буларда бети мн берки жагы бирдей.

Комментарий калтыруу үчүн өз ысымыңыз менен кириңиз же каттоодон өтүңүз.