ЖЫЛНААМА, 29-НОЯБРЬ: Мындан 26 жыл мурун мамлекеттик ишмер Насирдин Исанов каза болгон

Мамлекеттик ишмер Насирдин Исанов 1991-жылы 29-ноябрда автокырсыктан каза болгон.

Ал 1943-жылы 7-ноябрда Ноокат районунун Көк-Бел айылында туулган. Москвадагы инженердик-курулуш институтун, Алматыдагы жогорку партиялык мектепти бүтүргөн. Эмгек жолун Москва шаарындагы курулуш башкармалыгында жумушчу болуу менен баштаган. Ош шаарынын курулуш-монтаждоо башкармалыгында мастер, прораб, аймактын башчысы, башкы инженери, тресттин башкы технологу, партиянын Ош обкомунун курулуш бөлүмүнүн инструктору, "Нарынгидрострой" курулуш башкармалыгынын парткомунун катчысы, комсомолдун Ош обкомунун биринчи катчысы, Кыргыз ССР Курулуш министри, Кыргыз ССР Мамлекеттик курулуш комитетинин төрагасынын биринчи орун басары — Кыргыз ССРинин министри, Эл депутаттарынын Ысык-Көл облустук кеңешинин аткаруу комитетинин төрагасы, Кыргыз Республикасынын вице-президенти, 1991-жылдын 22-январынан баштап Кыргыз Республикасынын премьер-министри болуп иштеген.

Экономика илимдеринин кандидаты, СССР Инженердик академиясынын академиги, Кыргыз Республикасынын Жогорку Кеңешине эл депутаты болуп шайланган. "Ардак Белгиси", Эмгек Кызыл Туу ордендери жана "Эмгектеги каармандыгы үчүн" медалы менен сыйланган. Капиталдык курулуш жана башкаруу системин өркүндөтүү боюнча илимий эмгектердин автору.

Насирдин Исанов 1991-жылы 29-ноябрда Ош-Жалал-Абад жолунда автокырсыкка кабылып көз жумган. Тактап айтканда, ал келе жаткан автоунаа менен жүк ташуучу машина сүзүшүп, жыйынтыгы өлүмгө жеткирген. Анын сөөгү "Ала-Арча" көрүстөнүнө коюлган. Анын аты шаардык көчөлөрдүн бирине берилип, 2003-жылы Эркиндик гүлбагына эстелиги тургузулган.

29-ноябрдын жылнаамасы.

Автор: Наргиза Талантбекова

22:46 29-11-2017

Жазылуу

РУБРИКАДАГЫ СОҢКУ КАБАРЛАР

18:02 2025-07-13 | Саясат

Сузактагы үйү өрттөн жабыркаган эки үй-бүлө жаңы таурак-жайлуу болушту (сүрөттөр) 14 0

17:05 2025-07-13 | Саясат

Көлбаев атындагы тоннелдин жолдоруна августтун аягына чейин асфальт төшөлөт 295 0

16:53 2025-07-13 | Түркүн дүйнө

Парижде жаңы мамлекетти түзүү жөнүндө келишимге кол коюлду 414 0

16:17 2025-07-13 | Түркүн дүйнө

Испанияда мигранттар менен жергиликтүүлөрдүн массалык мушташы катталды (видео) 543 0

15:23 2025-07-13 | Коом жана турмуш

ӨКМ: Көл-Төр көлүнүн жолунда жайгашкан айыл элинин тынчсыздануусуна негиз жок 416 0

15:03 2025-07-13 | Саясат

Оштун мэри нөшөрлүү жаанда шаарды каптаган суунун себебин айтты (видео) 1241 0

Архив

Комментарийлер (4)

FIFA7

2017-11-30 00:19:44

Биз төрөлө электе өлгөн экенда, бирок мыкты саясатчы мыкты ишкер жана мыкты инсан болгон дешетко. Жайы жанатта топурагы торкоо болсун.

bosmos77777

2017-11-30 01:48:37

Кыргыздын бир улутун сыймыгы. Жаркын коомдук ишмерлери!!! Бул киши болуп турганда. Кум торубуз ордунда турмак. Монгулор турмак. Бул кишини жок кылгандардын. Тукуму курут болсун. Каргыш тийип урпагы такыр оспосун!!! Бул кишинин жаны жаннатта болсун. Арбагы Кыргызды жана Озундой Мекенге ак кызмат кылган,Мекенчил уул, кыздарын колдоп журсун.

anash

2017-11-30 10:25:34

Kech kaisyl bir jerden N.Isanov jonundo okuudum ele ayabi akuuldu bolgon eken jogorud aitkandai kumtor ordunda turmak....Akaevti vobwe jamannkorup kaldymgo...

ayko24

2017-11-30 12:56:13

Эх биз жакшы адамдарды ажалы жете электе эле наркы дуйного аттантып жиберебиз да коро албай, эх Акаев ХХХХ

Комментарий калтыруу үчүн өз ысымыңыз менен кириңиз же каттоодон өтүңүз.