Депутат өкмөткө: "Манас" деген коньяк чыгардык, "Атамбай" деген арак чыгып жатат, эртең бирөө "Сооронбай" деген арак чыгарып алса эмне кыласыңар?"

Бүгүн, 30-ноябрда Жогорку Кеңештин жыйынында өкмөт тарабынан сунушталган "Жарнак жөнүндө" мыйзам долбоору талкууланды. Анда жашы жете электерди коргоо максатында спирттик ичимдиктерди жарнак аркылуу жайылтууга бөгөт коюу сунушталган. Депутат Рыскелди Момбеков өкмөттү мындан башка маанилүү учурларга көңүл бурууга чакырды.

"Бул мыйзамдын тышы эле жалтырак. Силер жашы жете электерди коргоо максатында спирттик ичимдиктерди жарнак аркылуу жайылтууга бөгөт коюу керек деп айтып жатасыздар. Башка коргой турган маселе көп. Мисалы, бүгүн коньяктын аты "Манас", "Семетей", "Сейтек", арактын аты "Президент", тамекинин аты "Парламент". Бишкектин көчөлөрү Советский, Киевский, эс алуу бактары Фучик, Панфилов. Ал эми кафелердин баары "Омар не Хаям", тойканалар "Император", "Сенатор". Кыргыз өлкөсүндө жашап жатканыңдан кыйналып кетесиң. Силер мамлекеттик ишмерлерди, символдорду коргогула", - деди Момбеков.

"Азыр "Атамбай" деген арак чыгып жатат. Эртең дагы бирөө "Сооронбай" деп арак чыгарып алса эмне кыласыңар? "Булардын баары жарнак" деп жамбаштап жата бересиңерби? "Манас" эпосу жөнүндө мыйзам бар. Ал жерде Манас деген термин кайсы жерде колдонулушу керектигин өкмөт аныкташ керек деп турат. Ичкенибиз "Манас" болуп жатпайбы? Силер каякты карап отурасыңар?" - деп сурады депутат.

Андан соң ал өкмөттү мамлекеттик жана коомдук ишмерлердин, тарыхый адамдардын атын мазактоого жол бербөөгө чакырды.

Автор: Мунарбек Жоргомов

15:18 30-11-2017

Жазылуу

РУБРИКАДАГЫ СОҢКУ КАБАРЛАР

19:43 2025-07-13 | Түркүн дүйнө

Израилдин июндагы Иранга болгон соккусунда өлкөнүн президенти жаракат алды 160 0

18:20 2025-07-13 | Коом жана турмуш

Казакстанда жолдошуна экинчи аял алып берген аялдын видеосу тарады 878 0

18:02 2025-07-13 | Саясат

Сузактагы үйү өрттөн жабыркаган эки үй-бүлө жаңы турак жайлуу болушту (сүрөттөр) 462 0

17:05 2025-07-13 | Саясат

Көлбаев атындагы тоннелдин жолдоруна августтун аягына чейин асфальт төшөлөт 579 0

16:53 2025-07-13 | Түркүн дүйнө

Парижде жаңы мамлекетти түзүү жөнүндө келишимге кол коюлду 762 0

16:17 2025-07-13 | Түркүн дүйнө

Испанияда мигранттар менен жергиликтүүлөрдүн массалык мушташы катталды (видео) 835 0

Архив

Комментарийлер (16)

Syn4y

2017-11-30 15:31:53

Atambai ХХХХ go

mederkg

2017-11-30 15:36:05

Аша дебептир.мынасы кызык экен омар не хаям

sanzhar83

2017-11-30 16:59:55

mederkg,мен да тангалдым Омар не Хаям дегени болот бекен?Же муну да туура эмес жазып койдунарбы?же чын эле аты ушундайбы?

Adi.Avazbekov

2017-11-30 18:36:11

sanzhar83,Омар хайям озу не дегенди эмнеге кошкон кызык. Улуу ойчулдун дагы атын булгап

sanzhar83

2017-12-01 01:26:43

Adi.Avazbekov,ошо мен дп билет элем Омар Хаям экенин,не дегенине тан калып атпаймынбы.

Zidan1

2017-12-01 03:24:58

sanzhar83,омар нехаям деген кафе бар мен коргом

grace

2017-11-30 15:36:48

Манасты жайына койгула, коргош керек.

Yiman97

2017-11-30 15:39:16

Эмне кылат элек Атамбай болсо Атамбай манас болсо манас сооронбай болсо сооронбай иче беребиз))

-12

Ermekbai

2017-11-30 15:42:33

Аты өчсүнчү ушул арамдын.

Shakek

2017-11-30 19:41:37

Омар не хаям Бишкекте Токтогул Орозбеков кочолордун кесилишиндеги кафе
Бухорий ассорти деген да бар

gulya583

2017-11-30 20:48:48

Азамат депутат

Firdaus-Muslim

2017-11-30 22:55:06

Эң туура айтыптыр. Депутаттар колдоп берсе өтө жакшы иш болот эле.

muslim87

2017-11-30 23:20:02

Мына эң туура бүгүнкү күндө эң керек маселени козгоптур. Мына ушуларга штраф салыш керек Манас, Семетей, Сейтек, президент деп атың өчкүр арака ат койуп чыгарганы үчүн. Бир бөтөлкөдөн көрүп калдым эле мамилекеттик желектин сүрөтүнүн турганын. Аны эмне арактын бөтөлкөсүнө тартат ал деген мамилекеттин туусу да. Ошолорго да чара көрүү керек. Туунун баркын кетирип арамдын идишине тартканы үчүн.

datkayimjan

2017-12-01 11:32:37

Атамбай деген аракты дасторконго койсон коноктордун кобунун маанайы бузулуп кетет болуш керек же эркектер Атамбайдын балптары жонундо созго киришип кетишет

arzygulR

2017-12-01 16:20:27

Туп туура

Комментарий калтыруу үчүн өз ысымыңыз менен кириңиз же каттоодон өтүңүз.