"ЭЛДИК КАБАРга" жооп: "Бишкекте кооптуу абалга келип калган бейтапкананын ордуна жаңысы салынат" дейт министрлик

Бишкектин Заря конушундагы бейтапкана кооптуу абалга келип калгандыгына байланыштуу 2018-жылы жаңы бейтапкана салынат. Бул тууралуу бүгүн, 30-ноябрда Чүй облусунун Үй-бүлөлүк дарыгерлер борборунун директору Бактыгүл Мамытова билдирди.

"Ал бейтапкана кооптуу абалга келип оңдоп-түзөөгө жарабай калган десе болот. Ага байланыштуу ал жерге жаңы бейтапкана салынат. Учурда анын бюджети чечилген. Ал эми жаңы бейтапкана салынганга чейин ага майда оңдоп-түзөө иштери жүргүзүлөт", - дейт Бактыгүл Мамытова.

Айта кетсек, буга чейин окурман SUPER.KG порталына Бишкектин Заря конушундагы бейтапкананын абалы начар, адистер жетишсиз экенин билдирген.

Автор: Кенжебай Сатканалиев
Фото: Окурман жөнөткөн сүрөттөр