Бишкекте 20 батирдин жашоочусу эшикке чыгып калды (фото)

Жашоочулардын бири, баш мээсинде шишиги бар Гүлсара Тасынбекова бул имаратта кичинекей кызы менен жашайт.

Бүгүн Бишкек шаарынын Фучик көчөсүндөгү №18-үйдүн 40 батирин бошотуу үчүн сот аткаруучулар жашоочуларга чара колдонду. SUPER.KG порталы окуя болуп жаткан жерге барып, үйлөрүнөн чыгарылып жаткан жашоочулар менен жолукту.

Белгилүү болгондой, бул имарат учурунда Жазаларды аткаруу мамлекеттик кызматына тийиштүү №36-жатак абагы болгон. Кийинчерээк аталган 4 кабаттуу имарат ИИМге өткөрүлгөн. Андан соң ал Бишкек шаардык муниципалдык менчик башкармалыгынын карамагына өткөн. Убакыттын өтүшү менен ЖАМКнын кызматкерлери абакты оңдоп-түзөөдөн өткөрүп, жашоого ылайыкташтырып алышкан. Мэрияга караштуу бул имараттын 40 батиринде шаар тургундары жашап келишкен.

Бишкек шаардык муниципалдык менчик башкармалыгынын Ленин райондук бөлүмү буга чейин Бишкек шаардык сотуна имаратты бошотуу арызы менен кайрылган. 2017-жылдын 26-сентябрында шаардык сот 20 батирди бошотуу туурасында чечим чыгарган. Мындан соң Ленин райондук сот аткаруучулары жашоочуларга батирлерди бошотуу тууралуу эскертүү берген. Жашоочулар жогорку инстанцияга доо арыз менен кайрылып, калган 20 батирде жашап турууга чечим чыгарууну өтүнүшкөн. Бирок Жогорку Соттон жооп келе элек.

Өкмөттөн жардам сураган Гүлсара Тасынбекова: "Суукта жалгыз кызым менен кайда барам? Башымда залалдуу шишик бар. Менин барар жерим жок, батирге төлөгөнгө эмес, дарылануума эле айына 30 миң сом коротом. Буга чейин эптеп күн көрүп ушул жерде жашап келгем", - дейт.

Эки баланын энеси Айнура: "Биз Жогорку Сотко кыш бүткөнчө баш калкалап туруу өтүнүчү менен кайрылганбыз. Бирок Жогорку Соттун чечимин күтпөй эле бизди мажбурлоо жолу менен чыгарып жатышат. Бизде кетип кала турган даяр үйүбүз жок", - дейт ал.

Бишкек шаардык мүлк башкармалыгынын башчысынын орун басары Руслан Өмүрбеков: "Бул имаратта 10 жылдан бери мыйзамсыз жашап келген жашоочулар бар. Алардын үстүнөн биз Ленин райондук сотуна кайрылып, биринчи инстанциясында жеңип алганбыз. Кийин жашоочулар доо арыз менен Бишкек шаардык сотуна кайрылышкан. Анда шаардык сот райондук соттун чечимин күчүндө калтырып, 20 батирди бошотуу тууралуу чечим чыгарган. Бүгүн биз Ленин райондук сот аткаруучулары менен үйлөрдү бошотуудабыз. Буга чейин эскертүүлөрдү бергенбиз соттун чечими сентябрда эле чыккан, көчүү үчүн 6-декабрга чейин мүмкүнчүлүк берилген", - дейт ал.

"Бүгүн үй таппасак көчөгө жатабыз" дейт шаар тургуну

Автор: Мундуз Нурланбек уулу
Фото: Мундуз Нурланбек уулу

17:29 06-12-2017

Жазылуу

РУБРИКАДАГЫ СОҢКУ КАБАРЛАР

20:34 2025-07-12 | Саясат

Шыкмаматов Балыкчыдагы текшерүү боюнча маалыматты жеткиргендерди жазалады (видео) 1956 0

19:22 2025-07-12 | Түркүн дүйнө

Ташкентте көзөмөлсүз калган эки бала бассейнге чөгүп каза болду 1007 0

17:51 2025-07-12 | Коом жана турмуш

“Камалып калгандар болот”. Бишкекте толук бүтпөгөн үйдүн жашоочулары лифттин иштөөсүнө нааразы 1294 0

17:33 2025-07-12 | Кылмыштар, кырсыктар

Бишкекте жол тандабас катуу ылдамдыкта келип дубалды сүзүп токтоду (видео) 1699 0

17:23 2025-07-12 | Кылмыштар, кырсыктар

Токмокто өспүрүмдөр массалык мушташты (видео) 1259 0

16:24 2025-07-12 | Коом жана турмуш

УКМК жөнүндө кино тартылып жатат (видео) 1477 0

Архив

Комментарийлер (14)

Gena1

2017-12-06 17:41:20

Бул кишилер бул батирлерге кандайча кирип калышкан? Же сатып алганбы? Эгер сатып алган болсо кантип сатылган? Ким саткан?

+18

Ulan2601

2017-12-06 17:59:45

Эшике чыгып калды! Чык эшике ушу создор адамга коп угула турган болуп калды акыркы убакта

janjigit

2017-12-06 18:03:54

Бошотуп бериш керек да.2 ай батир карабай эмне кылып атышты.жон эле догурунуп атышат да.эптеп менчиктештирип алсак деп журушсо керек.

+10

Eksvp_1

2017-12-06 18:34:05

Туура эмес да эми, Оштогу өзбөктөргө бир жакшына үй салып берген. Эми Кыргыздарды Кыргызстан да үйдөн кууп чыкса. Кыргыздар өзүнүн жеринде көбөйбөй, башка улуттар көбөйүшү керекпи?

+23

suban78

2017-12-06 20:26:32

Eksvp_1,Озбектер акча берген да, алар шустрый болот ко мындайда.

jbolotov

2017-12-06 18:36:22

Мурда каралбай калган уйлорду ондоп тузоп ремонттоп дегендей иш кылыштыда, жок дегенде компенсация толоп берсе болмок ГСИНдики болсо.

taku1414

2017-12-06 19:00:30

Кышында чыгарышпай жазга чейин кутушсо болбойбу.

+18

Gsuita

2017-12-06 19:18:37

Сөзсүз кышында чыгаруу керек беле? Жаз келишин күтүү керек,же ошол күзүндө чыгарып салуусу керек эле. Байкуштар ушундай суукта кайда барышат?

+11

engel

2017-12-06 19:37:08

Мыйзамсыз болсо да кыш буткончо койо турушса болмок. Жазга чейин бир айласын таап чыгып кетишмек чыгар.

+13

Okna

2017-12-06 23:08:29

Ушунча чыдаган Эми кышы мн чыдаса болмок суукта кайла бармак

Azatbek83

2017-12-07 01:42:16

Сокенин эууй чык эшикеси мыйзамга киргенго!Озу кышында чыгарганга акысы жок эле!!!Бизде Боло берет окшойт.120 депутатты экс жаны ажосу примерин кочого чыгарып мекенден кууп салыш керек!!!!

Totyua.71.

2017-12-07 07:40:47

мурун каякта журушту эле,Эми кычыраган кышта кычап калбай

suiun_ramis2017

2017-12-07 08:51:36

Кыргыздар дагы барган сайын чочконун этинен жасалган арам тамактарды жеп ичип, бири - бирине болгон боорукердик мамилеси жок болуп ктип жатат. Кычыраган кышта чыгарбай эле коюшса болмок...

suiun_ramis2017

2017-12-07 08:52:10

кетип жатат

Комментарий калтыруу үчүн өз ысымыңыз менен кириңиз же каттоодон өтүңүз.

Бишкекте 20 батирдин жашоочусу эшикке чыгып калды (фото)

&quot;Бүгүн үй таппасак көчөгө жатабыз&quot; дейт шаар тургуну

РУБРИКАДАГЫ СОҢКУ КАБАРЛАР

"Бүгүн үй таппасак көчөгө жатабыз" дейт шаар тургуну