Дастан Бекешев: "Депутат, министр, прокурор, соттор жол эрежесин бузса жоопкерчиликке тартылбайт"

"Депутат, министр, прокурор, соттор жол эрежесин бузса жооп бербейт. Бизде мыйзам тандалма адамдарга гана иштейт", - деди КСДП фракциясынан депутат Дастан Бекешев бүгүн, 7-декабрда Жогорку Кеңештин жалпы жыйынында.

Эл өкүлү тартип орнотуу үчүн биринчи кезекте мыйзам бардык жарандарга бирдей болушу керектигин айтты.

"Жол коопсуздугу боюнча ар кайсы деңгээлде жүз жолу айтылды. Бирок чынында так, жакшы жыйынтык болбой жатат. Кээ бир адамга мыйзам иштейт, айрымдарга иштебейт. Мисалы, прокуратура кызматкерлери, соттор, депутаттар, министрлер жол эрежесин бузса алар жоопкерчиликке тартылбайт. Эгер МАИ кызматкери жол эрежесин бузса, ошол эле МАИчилер ага башка айдоочуну күнөөлүү кылып коюшат. Мындай кырдаалда кандай аракет кылбайлы мыйзамдар иштебей кала берет. ИИМдин кызматкерлери атайын талондорду алышат, аларга жол эрежелерин бузса болот. Мындай документти атайын кызматтар да пайдаланышат. Менин оюмча, ушундай маселелерди жок кылышыбыз керек. Жол эрежесин бузган бардык адамдар жазасын алуусу шарт. МАИ кызматкерлери кырсыктарга, эреже бузууларга 85 пайыз айдоочуларды күнөөлөшөт. Бул тескерисинче, 85 пайыз МАИ кызматкерлери өздөрү күнөөлүү. Аларды эч ким сыйлабайт жана алардан эч ким коркпойт. Айып пулду бюджетке эмес, чөнтөгүнө салышат", - деди Бекешев.

Автор: Мунарбек Жоргомов

14:09 07-12-2017

Жазылуу

РУБРИКАДАГЫ СОҢКУ КАБАРЛАР

17:36 2025-06-29 | Түркүн дүйнө

Сеулда пенсионер метро вагонун өрттөп, 150дөн ашуун адам жабыркады (видео) 144 0

16:49 2025-06-29 | Саясат

Орусияда Кыргызстандын 44 миң жараны «Яндексте» эмгектенет 271 0

16:25 2025-06-29 | Коом жана турмуш

Такыр-Төр көлүнүн кесепеттерин алдын алууга 76 адам тартылды 276 0

15:54 2025-06-29 | Саясат

Кыргызстанга Тажикстандын тышкы иштер министри расмий сапары менен келет 291 0

15:34 2025-06-29 | Саясат

Садыр Жапаров Орусиянын тышкы иштер министри Сергей Лавровду кабыл алды 533 0

14:40 2025-06-29 | Саясат

Сергей Лавров: "Ысык-Көл – Кыргызстандын эле эмес, бүтүндөй Евразиянын бермети" 872 0

Архив

Комментарийлер (8)

munar1980

2017-12-07 14:35:10

Мыйзам баарына бирдей иштегенде тартип орнотулат болбосо жок.

salimbek87.kg

2017-12-07 14:35:27

Карапайым эл күнөөлүү боло береби не чоңдор жеп жутарлардын мүйүзү же болбосо ашыкча жери барбы мыйзам баардык кыргыз жараны га бирдей болуш керек .Жеке оюм менин.

Dalil

2017-12-07 14:59:21

Аткаминерлерди күнөөлү кылган МАИ кызматкерин жетекчиси сөгөт. Себеби чоңдор өздөрүнчө бир бирин сыйлоо деп мыйзамдан аттап өтүшөт. Бул бир гана жол коопсуздугунда эмес бардык тармакта бар. М: электр салык бажы ж.б.у.с

admin_superstan

2017-12-07 16:03:47

ACAH-AKA., адамдын намысына шек келтирген билдирүүлөрдү жазууга тыюу салынат. Эскертүү!

Ulan2601

2017-12-07 16:18:44

Депутаттар озунор бузасынар жол эрежесин биринчилерден болуп мыйзамды тоготпойсунар силерди тоскон МАИ кызматкерлерин коркутасынар! 17 18 жаш балдарынарга жиптерди алып бересинер жол тандабай айдап кутурган баары чондордун балдары же бир жонокой адамдын баласы ошентип айдадыбы машинени себеби коркот мыйзамды сыйлайт силерге окшогон бироону сузуп алса каматып жибересинер керек болсо!!! Кечиресинер коп жазып койдум просто чыдабай кетесинда акыйкатсыздык боло берсе

BekAmir

2017-12-07 19:05:04

Бекешов туптуура айтты

amirrus

2017-12-08 09:59:48

соз жок да...эн жаман ушуларга ылайык соз жок...нищийлер булардан бир топ бийигирээк

aralbek

2017-12-08 21:21:18

Бекешов молодец жарайсын

Комментарий калтыруу үчүн өз ысымыңыз менен кириңиз же каттоодон өтүңүз.