Бишкек шаардык кеңешинин кезексиз жыйыны өтөт. Анда коалициялык көпчүлүктү жана жаңы спикерди бекитүү маселеси каралат

Бишкек шаардык кеңешинин кезексиз жыйыны өтөт. Бул тууралуу бүгүн, 9-декабрда SUPER.KG порталына шаардык кеңештин басма сөз кызматы билдирди.

Маалыматка ылайык, жыйын 11-декабрда саат 9:00дө башталат. Анда коалициялык көпчүлүктү жана жаңы төраганы бекитүү маселеси каралат.

Эске салсак, 28-ноябрь күнү КСДП фракциясы Бишкек шаардык кеңештеги коалициядан чыккан. 30-ноябрда шаардык кеңештин төрагасы Канатбек Мүзүралиев өз каалоосу менен мөөнөтүнөн мурда кызматын тапшырган.

Айта кетсек, шаардык кеңештин көпчүлүк коалициясына КСДП (13 мандат), "Кыргызстан" (5), "Республика-Ата Журт" (12) фракциялары кирген. Оппозицияда "Мекеним Кыргызстан" (7) менен "Өнүгүү-Прогресс" (8) болушкан.