Театр жана кино актёру Марат Козукеев жерге берилди. Ага топурак салганы Султан Раев, Султан Жумагулов сыяктуу бир катар маданият ишмерлери барышты

Театр жана кино актёру Марат Козукеев Панфилов районундагы Эркин-Сай айылында жерге берилди. Аны акыркы сапарга узатуу зыйнатына драматург жана экс-министр Султан Раев, маданият, маалымат жана туризм министри Султан Жумагулов, өзүнүн кесиптештери, театр жана кино актёрлору катышып, топурак салышты.

Эскерте кетсек, Марат Козукеев 8-декабрь күнү кечки саат 8дер чамасында каза болгон. Карындашынын айтымында, актёр ошол күнү кечинде өзүмдү жаман сезип жатам деп келип жаткан. Ал "Тез жардам" кызматы келгенге чейин каза болуп калган.

"Биз үчүн аябагандай оор жоготуу болду. Баарыбыз, туугандар, кесиптештери нес абалдабыз. Анын көзү өтүп кеткенине ишенбей жатабыз. Ден соолугум начар болуп жатат деп айтып деле, ооруп жатып калган деле эмес болчу. Жакшынакай эле иштеп жүргөн. Кант диабети менен жабыркачу. Артында 2 кыз, 1 уулу калды", - дейт карындашы.

Марат Козукеев 1970-жылы 8-сентябрда Бишкек шаарында чыгармачыл үй-бүлөдө жарык дүйнөгө келген. Атасы Жумабек Козукеев Токтоболот Абдумомунов атындагы Кыргыз улуттук академиялык театрында актёр, режиссёр болуп эмгектенген. Ал эми апасы Кандалат Муратова режиссёрдун жардамчысы болуп пенсияга чыкканча аталган театрда иштеген.

Марат Козукеев эмгек жолун Токтоболот Абдумомунов атындагы Кыргыз улуттук академиялык театрында актёр, режиссёр жана көркөм жетекчи болуп улантып келе жаткан. Кыргыз киносунда дагы бир катар ролдору менен элдин эсинде калды. Ал "Чиркин өмүр" телесериалында, "Аталар керээзи", "Гаишниктер", "Кокуй кошуна" жана башка тасмаларга тартылган. Актёр театрдагы режиссёрлук талантынын сырларын ачып анын жемишин эми гана көрүп баштаган. Анын акыркы Чыңгыз Айтматовдун чыгармасынын негизинде коюлган "Саманчынын жолу" спектакли театрдын быйылкы күзгү сезонунда көп көрүүчүлөрдү топтогон. Ошондой эле Сактардын ханышасы Томирис тууралуу койгон "Тумар ханыша" спектакли Эл аралык "Art-ордо" театр-фестивалында гран-приге ээ болгон.

47 жашында каза болгон актёр Марат Козукеевдин сөөгү жерге берилди

Автор: Гүлжан Асанкожоева
Фото: Илим Туратбек уулу

14:48 10-12-2017

Жазылуу

РУБРИКАДАГЫ СОҢКУ КАБАРЛАР

20:44 2025-06-29 | Түркүн дүйнө

Белградда миңдеген адам митингге чыгып, мөөнөтүнөн мурда шайлоо өткөрүүнү талап кылышууда (видео) 472 0

18:09 2025-06-29 | Түркүн дүйнө

Тарыхта биринчи жолу. Тesla электромобили фабрикадан кардардын үйүнө өз алдынча жетти (видео) 1096 0

17:36 2025-06-29 | Түркүн дүйнө

Сеулда пенсионер метро вагонун өрттөп, 150дөн ашуун адам жабыркады (видео) 824 0

16:49 2025-06-29 | Коом жана турмуш

Орусияда Кыргызстандын 44 миң жараны «Яндексте» эмгектенет 853 0

16:25 2025-06-29 | Коом жана турмуш

Такыр-Төр көлүнүн кесепеттерин алдын алууга 76 адам тартылды 531 0

15:54 2025-06-29 | Саясат

Кыргызстанга Тажикстандын тышкы иштер министри расмий сапары менен келет 499 0

Архив

Комментарийлер (5)

mr.ulan89

2017-12-10 14:53:35

Жаткан жери жайлуу топурагы торкоо болсун аллахым билип билбей кылган куноолорун кечирсин кабыр азабынан сактасын уй булоосуно сабыр тилейм кайрат кылгыла кыргызым дагы бир жакшы инсанынан айрылды

+12

Alixan-Nookat.2015

2017-12-10 14:56:46

Жаткан жери жайлуу болсун топурагы торко болсун!

kksovet87

2017-12-10 17:03:10

Жаткан жери жайлуу болсун. Туугандарына уй булоосуно терен кайгыруу мененконул айтам.

KOCMOC

2017-12-10 21:42:44

Ээхх, бир кун бар да эртен жок экенбиз да. Жаткан жери жайлуу болсун.

Kumarchik

2017-12-11 08:57:47

жаткан жери жайлуу болсун

Комментарий калтыруу үчүн өз ысымыңыз менен кириңиз же каттоодон өтүңүз.