Бишкек шаарынын жана Чүй облусунун айрым аймактарында көгүлтүр от берүү убактылуу токтотулат

Апта башында Бишкек шаары менен Чүй облусунун айрым аймактарында көгүлтүр от убактылуу өчүрүлөт. Мунун себеби оңдоо иштери менен байланыштуу.

Газ берүү Бишкек, Кант шаарлары, Сокулук, Ленин жана Новопавловка айылдарында убактылуу токтотулат.

11-12-декабрда Сокулук айылынын Мичурин, 8-март, Ленинград көчөлөрү;
11-15-декабрда Новопавловка айылы жана "Ала-Тоо" жаңы конушу;
11-15-декабрда Бишкектин Чүй проспектиси менен чектешкен Ибраимов, Москва, Калык Акиев, Жибек Жолу, Сүйүмбаев, Түгөлбай ата, Шопоков көчөлөрү;
12-13-декабрда Ленин айылынын Чыгыш, Виноград, Алматы, Маслопромский, Интернационал, Заречный, Набережный жана Түндүк көчөлөрү;
12-13-декабрда Кант шаарынын Ленинград көчөсү;
13-14-декабрда Бишкектин Абдрахманов көчөсүндө көгүлтүр от берилбейт.