Исхак Пирматов Жогорку Кеңештеги эл аралык иштер, коргоо жана коопсуздук боюнча комитеттин төрагасы болду

Жогорку Кеңештин "Бир бол" фракциясынан депутат Исхак Пирматов парламенттин эл аралык иштер, коргоо жана коопсуздук боюнча комитетинин төрагасы болуп шайланды. Анын талапкерлигин "Бир бол" фракциясынын лидери Алтынбек Сулайманов бүгүн, 13-декабрдагы Жогорку Кеңештин жалпы жыйынында сунуштаган болчу.

Добуш берүүнүн жүрүшүндө Жогорку Кеңештин депутаттары Пирматовдун талапкерлигин колдошту.

Белгилей кетсек, 7-декабрда комитеттин мурдагы төрагасы Аскарбек Шадиев биринчи вице-премьер-министр болуп дайындалган.

Автор: Мунарбек Жоргомов