СУПЕРСТАН: "Романтиканы кандай түшүнөсүз?"

SUPER.KG порталынын "Суперстан" бөлүмүндө "Романтиканы кандай түшүнөсүңөр?" деген тема талкууга алынган.

Темадагы билдирүүлөрдөн:

"Өмүрлүк жарың менен 2-3 кичинекей баланы жетелеп алып парк аралап сейилдөө - мен үчүн романтика".

"Мага бир чыны чайдын буусу дагы романтикалуу көрүнөт. Романтика деген бул же тигил деп айтуу жаңылыштык. Анткени бул сезим жан дүйнө жана кыял менен толукталган улуу күч".

"Романтика мен үчүн күтүлбөгөн сюрприз, роза гүлү, шамдар, жай музыка жана сүйгөн адамым".

"Жолдошум экөөбүз уулубузду уктатып коюп кечинде телевизор көрүү деле романтика. Менимче, романтика - көңүлдүн кандайдыр бир жагымдуу толкуну, ошол маалда жана так ошол жерде өзүңдү жомоктогудай сезүү".

"Романтика бир нерсеге чын жүрөгүң менен берилген убакта гана пайда болот. Сүйүү болобу, саякат болобу же башка нерсе болобу..."

"Романтика - сүйгөн адамың менен жамгырда сейилдөө".

Талкууга кошулгуңуз келсе, бул жакка кириңиз.

Автор: Саадат Токтоболот кызы