Зилалиев "Мегаком" сатылат деген ишеничте

"Биз "Мегакомду" сатабыз. Кантип сатабыз - бул башка маселе", - деп бүгүн, 19-декабрда маалымат жыйынында Мамлекеттик мүлк башкаруу фондунун төрагасы Дүйшөнбек Зилалиев айтты.

Анын айтымында, учурда эл аралык консалтинг компаниялар менен сүйлөшүүлөр жүрүп жатат. "Мегаком" мыйзам чегинде ачык жана таза сатылат", - деди Зилалиев.

Айта кетсек, "Мегакомдун" менчикке сатылары 2015-жылы чечилген. Эки жылдан бери компанияга инвестор табылбай, аукцион аркылуу сатуу үч аракетте да ишке ашкан жок. Аукциондон аукционго жылган сайын "Мегакомдун" баасы арзандаган. Алгач баштапкы баа 19 миллиард 700 миллион сом болсо, экинчи аракетте 14 миллиард 255 миллионго түшкөн. Үчүнчү жолкусунда 13 миллиард 500 миллион сом деп коюлган. Аукцион аркылуу сатуудан майнап чыкпагандыктан өкмөт "Мегакомдун" 100 пайыз акцияларын түз сатуу чечимин кабыл алган.

Мамлекеттик мүлк башкаруу фонду "Мегаком” компаниясын сатып алам деген орусиялык ишкер Елена Нагорная менен сүйлөшүүлөрдү токтоткон. Мекемеден түшүндүрүшкөндөй, тараптар эки жакты тең канааттандырган шарттарга жете алышкан жок.

20-ноябрда жыйынтыктоочу маалымат жыйынында экс-президент Алмазбек Атамбаев "Мегаком" компаниясынын баасын дагы түшүрүш керек" деген пикирин айткан. Анын ою боюнча "Мегакомдун" баасын дагы 20-30 пайызга түшүрүүгө болот. "Ким көп берсе, ошого сатыш керек. Акчаны "Коопсуз шаар" долбоорун ишке ашырууга жумшаш керек" деген Атамбаев.

Автор: Нурсултан Нурболот уулу

10:52 19-12-2017

Жазылуу

РУБРИКАДАГЫ СОҢКУ КАБАРЛАР

23:31 2025-07-13 | Түркүн дүйнө

АКШнын Юстиция министрлиги мурда Трампка каршы иштеген кызматкерлерин кетирди 290 0

22:03 2025-07-13 | Саясат

Каналдагы сууга агып кеткен 21 жаштагы жигиттин сөөгү табылды 1126 0

19:43 2025-07-13 | Түркүн дүйнө

Израилдин июндагы Иранга болгон соккусунда өлкөнүн президенти жаракат алды 1569 0

19:07 2025-07-13 | Коом жана турмуш

Автобус айдаган аксакал менен жеңил унаанын айдоочусу жакалаша кетти (видео) 1884 0

18:02 2025-07-13 | Саясат

Сузактагы үйү өрттөн жабыркаган эки үй-бүлө жаңы турак жайлуу болушту (сүрөттөр) 957 0

17:05 2025-07-13 | Саясат

Көлбаев атындагы тоннелдин жолдоруна августтун аягына чейин асфальт төшөлөт 954 0

Архив

Комментарийлер (12)

bosmos77777

2017-12-19 10:59:56

Кыргызда Элдин наазары болот деген. Ишеним болчу эле. Жараткан бар болсо. Ушундай Кыргызды мункуроткон инсандар .... Монгуну жок кылды. Кайдаагы чехтерди алып келди. Азыр кылыгы

Nuke_A

2017-12-19 11:13:37

Зилалиев башка любоюн деле сата берет

Shekeev969798

2017-12-19 12:21:41

Nuke_A,Эртен айалын сатат анан ...

islamik

2017-12-19 13:01:41

Бу Зыяналиевди УКМКга суракка
чакырды элего эмне болду

Nurik1988

2017-12-19 11:28:09

Сенден мегаком бир тыйын сурап атабы мамлекеттин казынасына иштесин

Takesha87

2017-12-19 12:06:38

Мегаком булардын бир жерин чукуп жаткансып "сатыш" керек деп эле калышты, же ушунчалык эле зыян алып келип жатабы казынага?

Takesha87

2017-12-19 12:08:52

Мындай эле ачык жазышпайбы бироонун менчиги кылып эч ким тийишпегендей омур бою калтырыш керек болуп жататда

nemo2016

2017-12-19 12:09:11

Бул зилалиев мотуев мискенбаевтерден оттукго чиркин

BekAmir

2017-12-19 12:32:20

Намыс барбы силерде?. Сат сат баарын сатып буттунор, эл эле калды сатпаганынар...

almanbetperm

2017-12-19 12:49:22

Колтугунун жунун сат болдуго бул жагы

bayanis

2017-12-19 14:56:48

не жин тийди сатам деп эле калдынар. эч ким ач олуп аткан жок! озунордун камынарды ойлобой урпактарды ойлогулачы.

KGstan1981

2017-12-19 15:12:31

Урматтуу Сооронбай Шарипович качан Зилалиев,Исраилов,Фарид Ниязов ж.б ошого окшогон Атамбаевтин жэмкор,паракор кадырларын жумуштан бошотосуз.Боштпосонуз элдин сабыры тугонгондо сиз менен кошо бошотуп жиберишет жэ эмне 2005-2010ж.ж.окуяны унутап калдынызбы.

Комментарий калтыруу үчүн өз ысымыңыз менен кириңиз же каттоодон өтүңүз.