Сооронбай Жээнбеков БУУнун башкы катчысынын атайын өкүлүн кабыл алды

Бүгүн, 19-декабрда президент Сооронбай Жээнбеков БУУнун башкы катчысынын атайын өкүлү Наталья Германды кабыл алды. Бул тууралуу президенттик аппараттын басма сөз кызматы билдирди.

Маалыматка ылайык, жолугушуунун жүрүшүндө Борбор Азия аймагында, анын ичинде Кыргыз мамлекетинде суу-энергетикалык маселелери боюнча кызматташуу, тынчтыкты, туруктуулукту жана коопсуздукту бекемдөө маселелери боюнча пикир алмашышты.

"Биз сизди тажрыйбалуу жана кесипкөй дипломат катары билебиз. Сиздин келишиңиз менен Кыргыз өлкөсү борбор менен кызматташуусу ийгиликтүү өнүгүп, бекемделет деп ишенебиз", - деп белгиледи президент.

Мамлекет башчы БУУнун жана анын түзүмдүк уюмдарынын Кыргыз мамлекетиндеги 2010-жылдагы окуялардагы ролун жана жардамын белгиледи. "Ал оор күндөрү БУУнун жана башка уюмдардын жардамы менен биз мамлекетибиздин тарыхындагы татаал мезгилден аман-эсен өттүк. Алдыда биз чече турган көп маселелер бар. Кыргыз өлкөсү мындан ары дагы бардык аймактык маселелерди талкуулап, аларды кошуналарыбыз менен биргелешип чечүүгө даяр", - деди Жээнбеков.

“Акыркы жылы биз көп жылдардан бери чечилбей келаткан маселелерди чече алдык. Өзбекстандын президенти менен жолугушууларыбыз өз ара түшүнүшүү маанайында өттү. Бул, албетте, бизди кубандырат. Шавкат Мирзийоев аймактагы тынчтык жана туруктуулук үчүн күйгөн адам", - дейт мамлекет башчы.

Наталья Герман Борбор Азия аймагында учурда аймактык кызматташуу чыңдалат деп үмүттөндүргөн абдан жакшы процесстер байкалып жатканын белгиледи. "Борбордук Азиянын мамлекет башчыларынын аракеттеринин аркасы менен, жеке сиздин бул кызматтагы аракетиңиздин аркасы менен бардык маселелер бул эң сонун, мүмкүнчүлүгү абдан чоң, өнүгүп бараткан аймакта жашаган бардык элдердин пайдасына чечилет деп ишенем", - деп белгиледи Наталья Герман.

Автор: Жылдыз Джускембаева
Фото: Султан Досалиев