Сапар Исаков: "Көк бөрүнүн ЮНЕСКОнун материалдык эмес маданий мурастар тизмесине киргизилиши – жалпы кыргыз эли үчүн зор жетишкендик"

Көк бөрү салттуу ат оюндарынын ЮНЕСКОнун материалдык эмес маданий мурастар тизмесине Кыргыз Республикасынын атынан киргизилиши жалпы кыргыз эли үчүн зор жетишкендик. Бул тууралуу 20-декабрда премьер-министр Сапар Исаков Көк бөрү салттуу оюнунун номинациясын ЮНЕСКОнун тизмесине көрсөтүүгө жана ага даярдык көрүүгө салымын кошкон жумушчу топту сыйлоо аземинде айтты.

Өкмөт башчы Кыргыз Республикасынын ЮНЕСКО иштери боюнча Улуттук комиссиясына, өлкөнүн көк бөрү федерациясына жана көк бөрү боюнча улуттук курама команданын спортчуларына улуттук оюнду жайылтууга, кыргыз тарыхын жана маданиятын даңазалоого кошкон салымы үчүн өзгөчө ыраазычылык билдирди.

"Бул жетишкендик жалпыбыз үчүн чоң жеңиш болуп саналат, биз сиздерге абдан ыраазыбыз. Мен сиздер мындан ары карай да өлкөбүздүн атын алыска чыгарган бул сыяктуу демилгелерди алга жылдырууңуздарды каалайм", - деди Исаков.

Премьер-министр белгилегендей, өкмөт өз тарабынан мындай демилгелерди ишке ашыруу үчүн колдон келген көмөгүн берүүгө даяр.

"Мен биздин спортчуларга жаңы ийгиликтерди, анын катарында эл аралык аренадагы жетишкендиктерди каалайм. Келерки жылы Үчүнчү Дүйнөлүк көчмөндөр оюндары өтөт жана жалпыбыз сиздердин жаңы жеңиштерге күбө болобуз деген ишенимибиз бар. Сиздерге ар дайым өлкөбүздүн желегин бийик көтөрүп жүрүүңүздөрдү каалайм", - деди ал.

Иш-чаранын соңунда өкмөт башчы "Көк бөрү – салттуу ат оюну" номинациясын ЮНЕСКОнун тизмесине көрсөтүүгө жана ага даярдык көрүүгө салымын кошкон жумушчу топтун мүчөлөрүнө активдүү иши үчүн алкыш каттарды тапшырды.

Автор: Нурсултан Нурболот уулу
Фото: Өкмөттүн басма сөз кызматы

15:38 21-12-2017

Жазылуу

РУБРИКАДАГЫ СОҢКУ КАБАРЛАР

13:45 2025-07-13 | Саясат

"Атамдынбы же энебиздин заманыбы, алдырыңыз". Оштун мэри каналдардын корук аймагын текшерүүдө 182 0

12:58 2025-07-13 | Кылмыштар, кырсыктар

Бишкекте социалдык тармак аркылуу казак аялдарына асылган жаран кармалды (видео) 505 0

12:43 2025-07-13 | Саясат

Аламүдүндүн акими районду текшерүү үчүн велосипед менен чыкты (видео) 435 0

12:19 2025-07-13 | Түркүн дүйнө

Япониянын жээктеринде Нери күчтүү тайфуну пайда болду 342 0

11:50 2025-07-13 | Коом жана турмуш

Транспорт министри Таласта жасалып жаткан жолдорду көрүп, ачууланды (видео) 787 0

11:05 2025-07-13 | Түркүн дүйнө

Өзбекстан чет өлкөдөн кайтып келген жарандарын медициналык кароодон өткөрүүнү пландоодо 436 0

Архив

Комментарийлер (3)

Bolunbo.kyrgyz

2017-12-21 16:20:41

Зор деген биздин созбу же Нурсултан ака адаштыбы

-1

Krai

2017-12-21 19:20:47

Убагында Манас училтигин Юнеского киргизген карганбек самаковдун эмгеги зор болчу
Эмичи ошол адам турмодо жатат

stimyl.kg

2017-12-21 19:45:38

Бул көкбөрү ат ойунун ЮНЕСКОго маданий мурас кылып киргизген Атамбаевдин шоопуру деп кайсы бир сайттан окудум эле огоо түзүк деп калгам. Көрсө шоопурду жандаган кошоматчылары калпты элге таратышыптырда. Ойлодум ошо бу(атамбайп,самара,асан,зилалиев,шоопур)лар эл үчүн иштешпейт эле кандай болуп кетти деп түзүк жеп ичкенин актаптыр деп,көрсө элибиздин мурасын башкалар өткөзгөн тура.

Комментарий калтыруу үчүн өз ысымыңыз менен кириңиз же каттоодон өтүңүз.