Сапар Исаков Түркмөнстанда өткөн жабык имараттагы Азия оюндарында ийгиликке жеткен спортчуларды сыйлады

Жабык имараттагы Азия оюндарынын жеңүүчүсү Калы Сулайманов

Жабык имараттагы Азия оюндарынын жеңүүчүсү Алтынай Мамарасул кызы

Жабык имараттагы Азия оюндарынын жеңүүчүсү Алексей Кибкало

Жабык имараттагы Азия оюндарынын жеңүүчүсү Татьяна Когадей

Назира Марсбек кызы жана Мээрим Жуманазарова

Күрөш боюнча кыз-келиндер курама командасынын машыктыруучусу Нурбек Изабеков

Бүгүн, 21-декабрда "Ала-Арча" мамлекеттик резиденциясында өкмөт башчы Сапар Исаков Түркмөнстанда өткөн жабык имараттагы Азия оюндарында жеңишке жеткен спортчуларды алкыш кат жана акча менен сыйлады.

"Урматтуу спортчулар жана машыктыруучулар, силер менен Кыргыз эли сыймыктанат. Силер жогорку деңгээлди көрсөттүңөр. Силер өлкө үчүн күрөшүп жатканда биз баарыбыз колдоп жаттык. Кыргыз өлкөсүнүн капчыгы 70 медалга толду, алардын ичинде 13 алтын, 20 күмүш жана 37 коло медаль бар. Ошондой эле командалар арасындагы жарышта 60 өлкөнүн арасында биз 8-орунду ээледик", - деди Сапар Исаков.

Айта кетсек, жабык имараттагы V Азия оюндарында Кыргыз өлкөсүнөн 153 спортчу аттанган. Алардын ичинен 70 спортчу ийгиликке жетип, медалдарды тагынганга үлгүрүшкөн.

Иш-чаранын алкагында Кыргыз өлкөсүнүн премьер-министрдин буйругу менен спорттун өнүгүүсүнө салым кошкону үчүн, Кыргыз курама командасын мыкты даярдап, Азия оюндарында Кыргыз спортчулары ийгилик жаратканы үчүн Кыргыз өлкөсүнүн спорт түрлөрү боюнча федерациянын президенттери энчилүү сааттарга ээ болушту. Андан тышкары машыктыруучулар жана спортчулар алкыш каттар жана акчалай сыйлыктар менен сыйланды.

Азия оюндарында 1-орунду ээлеген спортчулар 50 миң сом сыйлыкка ээ болушту;

Азия оюндарында 2-орунду ээлеген спортчулар 30 миң сом сыйлыкка ээ болушту;

Азия оюндарында 3-орунду ээлеген спортчулар 20 миң сом сыйлыкка ээ болушту;

Ошондой эле спортчулардын машыктыруучуларына да акчалай сыйлыктар тапшырылды.

Автор: Нурсултан Нурболот уулу
Фото: Нурсултан Нурболот уулу