"Кыргызмунайгазды" өнүктүрүү үчүн инвесторлорду тартуу эң туура чечим" дейт адис

"Бүгүнкү күндө чыгашалуу мамлекеттик ишканаларга инвесторлорду тартуу зарыл". Мындай пикирин Бизнес ассоциациялар улуттук альянсынын жетекчиси, "БизЭксперт" аналитикалык борборунун башчысы Улук Кыдырбаев билдирди.

"Кыргызмунайгаз" компаниясын модернизациялоо жана өнүктүрүү үчүн инвесторлорду тартуу боюнча жетекчиликтин сунушу абдан туура жана максатка ылайыктуу деп эсептейт адис. Анын ою боюнча, өлкөдө чыгашалуу мамлекеттик объекттер, ишканалар, акционердик коомдор көп.

"Ушундай учурда кырдаалдан чыгуу үчүн эки жол бар: биринчиси - ишкананы сатуу. Анткени мындай объекттерден мамлекетке эч кандай пайда жок. Экинчи жол - инвесторлордун башкаруусуна берүү. Бул мамлекеттик-менчик өнөктөштүктүн бир формасы. Мамлекет бул ыкмадан эч нерсе жоготпойт", - деп белгиледи Кыдырбаев.

"Макулдашууларга ылайык, мамлекеттик ишкана инвесторго белгисиз мөөнөткө берилет. Ал ишкананы гүлдөтүп өнүктүрүш керек. Ал эми мамлекет өзүнүн менчигинен айрылбайт. Жыйынтыгында жергиликтүү тургундардын жана жумушчулардын жашоосу жакшырат. Мамлекет өз кезегинде инвесторлорго ыңгайлуу шарттарды түзүп бериши зарыл", - деди адис.

Айта кетсек, 21-декабрда премьер-министр Сапар Исаков "Кыргызмунайгаздын" учурдагы абалы тууралуу жумушчу кеңешме өткөрүп, финансы-экономикалык абалын жакшыртуу боюнча сунуштарды киргизүүнү тапшырган.

Автор: Нургазы Аматов

12:25 23-12-2017

Жазылуу

РУБРИКАДАГЫ СОҢКУ КАБАРЛАР

13:38 2025-06-30 | Саясат

Садыр Жапаров ЖККУга мүчө-мамлекеттердин тышкы иштер министрлерин кабыл алды 121 0

12:55 2025-06-30 | Коом жана турмуш

Ат-Башыда "Кыргыз даамы", "Кыргыз шырдагы" фестивалдары өттү 174 0

12:26 2025-06-30 | Кылмыштар, кырсыктар

Айдоочу, абайла! Бишкекте жол кырсыгынан айдоочу каза болуп, жанындагы кыз оор жаракат алды 919 0

11:56 2025-06-30 | Кылмыштар, кырсыктар

Бишкектин вице-мэри Таалайбек Байгазиев опузалап алган акчасын кайтаруу учурунда кармалды 1163 0

11:24 2025-06-30 | Түркүн дүйнө

Францияда 1-июлдан тарта коомдук жайларда тамеки чегүүгө чектөө кирет 230 0

11:22 2025-06-30 | Түркүн дүйнө

Измирдеги Аднан Мендерес аэропорту кайрадан учууларга ачылды 320 0

Архив

Комментарийлер (2)

Kattaldym

2017-12-23 14:24:49

чыгашалуу...

jbolotov

2017-12-23 14:29:12

Кыргызмунайгаздыда Кыргызгаздай кылып Россияга сатсанар анан биротоло коз каранды болобуз. Мен бийлике келсем Кыргызгазды 150 млн$ карызы бар учун саткандарды кармап жазаламакмын. Мисалга Украина Укргазды 2млрд $ доллар карызына карабай Оруссияга сатбай оздорундо калтырып алышты. Биздикилер газ тармагын жери менен кошо сатып ото чон ката кылган.

Комментарий калтыруу үчүн өз ысымыңыз менен кириңиз же каттоодон өтүңүз.