Акылбек Жапаровду жөлөк пул боюнча президент менен премьер-министрдин башын айландырбоого чакырышты

Бүгүн, 25-декабрда Жогорку Кеңештеги Социалдык маселелер, билим берүү, илим, маданият жана саламаттыкты сактоо боюнча комитет мамлекеттик жөлөк пулдар жөнүндө айрым мыйзам актыларына өзгөртүүлөрдү киргизүү сунушун экинчи окууда карап жатат.

Депутат Акылбек Жапаров ("Бир Бол") бул маселе боюнча пикирин айтты.

"27-июлда мамлекеттик жөлөк пулдар жөнүндө мыйзамдын жаңы редакциясы кабыл алынган. Анда жаңы жылдан баштап, 30 миңдей бала жөлөк пул ала албай кала турганы айтылган. Ошондуктан өкмөт сүйүнчү пул боюнча норма иштей берсе, калган жаңы өзгөрүүлөр боюнча 3 ай убакыт сурап жатат. Биз 6 ай убакыт сураганбыз. Бирок өкмөт 3 айда жетишебиз деп жатат. Биз ага деле макулбуз", - деди Жапаров.

Депутат Карамат Орозова (КСДП) кесиптешине кайрылып: "Бул мыйзам иштелип чыгып, өлкө башчысы кол койгон. Эми жаңы жылга аз күн калганда кайра президент менен өкмөт башчынын башын айландырбаңыз. Кемчиликтер болсо кошо жолго коёлу, бирок мыйзам иштесин. Баш мыйзамга ылайык, бардык балдарга мамлекет бирдей кам көрүшү керек. Байдын баласы, кедейдин баласы деп эч кимди бөлбөш керек", - деди Орозова.

Ал эми социалдык өнүгүү министри Таалайгүл Исакунова мыйзамдагы оңдоонун зарылдыгын белгиледи.

"Балдардын жөлөк пулу үчүн бюджеттен 2 миллиард 200 миллион сом каралган. Азыр бир бала 810 сомдон алып жатат. Эгер акчаны жетиштиребиз десек, алар 500дөн алып калат. Эгер биз 500дөн берсек, ал эми калып калып жаткан 30 миң бала үчүн кошумча дагы 141 миллион сом керек болууда. Учурда жаш курагы жете элек 6 баласы үчүн бүгүн 5000 сом алып жатса, жаңы жылдан баштап 1500 сом гана алып калып жатат", - деди министр.

Автор: Мунарбек Жоргомов

15:36 25-12-2017

Жазылуу

РУБРИКАДАГЫ СОҢКУ КАБАРЛАР

13:45 2025-07-13 | Саясат

"Атамдынбы же энебиздин заманыбы, алдырыңыз". Оштун мэри каналдардын корук аймагын текшерүүдө 182 0

12:58 2025-07-13 | Кылмыштар, кырсыктар

Бишкекте социалдык тармак аркылуу казак аялдарына асылган жаран кармалды (видео) 505 0

12:43 2025-07-13 | Саясат

Аламүдүндүн акими районду текшерүү үчүн велосипед менен чыкты (видео) 435 0

12:19 2025-07-13 | Түркүн дүйнө

Япониянын жээктеринде Нери күчтүү тайфуну пайда болду 342 0

11:50 2025-07-13 | Коом жана турмуш

Транспорт министри Таласта жасалып жаткан жолдорду көрүп, ачууланды (видео) 787 0

11:05 2025-07-13 | Түркүн дүйнө

Өзбекстан чет өлкөдөн кайтып келген жарандарын медициналык кароодон өткөрүүнү пландоодо 436 0

Архив

Комментарийлер (11)

Ayida

2017-12-25 16:02:53

Карамат Орозова туура айтат!Кана сиздей айымдар болсо!

-5

Ayida

2017-12-25 16:06:27

Эгер байлар албайт баласына десе 3 топко болсун.Ушул кунго чейин бай деп уйу жок телевизору бар болсо эле бай деп бербей келдинерго?Анын эмнеси бай?Же кичине уйу бар эптеп жашаган сенин уйун бар деп албай койушат документ.Квартиранттарды вообще албайт сенин нор кв да жашайсын деп туура эмес да ушул

saparu

2017-12-25 16:17:52

Мамлекеттик кызматта иштегендерге бербей калгандарына 500 дон болсо да тегиз берсин

-3

Jigit.1982

2017-12-25 16:35:25

saparu,Не мамлекетте иштегендерге мамлекет кыйратып акча берип жатыптырбы. Эптеп балдарына же озуно жеткиралбай журот. Берсе баарына тегиз бериш керек.

Too-tash

2017-12-25 17:33:54

saparu, озу мугалим ж.б. болгон айлыгы 7000-8000 сом болсо, ошол козуно коп корунуп жатабы?!!

saparu

2017-12-25 16:34:47

Биздин кошунабыз 6 баласына жолок пул алат ошол акча менен жашайт остору эч жерде иштебейт жаны мыйзам ишке кирсе 1500 эле алып калат экен

Nibiru.

2017-12-25 17:29:30

saparu,ошол жолок пул дегенге да ишенип,иштебей жашагандар барбы? Болбогон соз. Иштейм десе иш толтура.

-3

Too-tash

2017-12-25 17:37:38

Nibiru., Кыргызстанда иш толтура болсо, маянасы дурус болсо, бир-бир жарым миллион жараныбыз эмнеге тышка тентип кетмек эле?!! Ойлонуп суйлосон, бай атана окшоп соктура бербей!!!

Алыскы айылдарда жашагандар канча, кыйраткан киреше булагы жок же жакын тегеректе жумуш жок отурган...

Бишкекке кочуп барып ай сайын квартиралап мусаапырдын кунун коргон жарандар канча, иштеп тапканы жашоосуна оп-чоп аран жетип жаткан...

Dalil

2017-12-25 20:18:41

Карамат Орозова Эдил Байсаловдун кадры. Б.а.чет өлкөнүн күчү менен көтөрүлгөн аял. Эгер туура болгондо Нарын эли каршы чыкмак эмес. Кайрадан карап чыгуу керек. Салык менен соцкоргоого алып жаткан мамлекет эмнеге жөлөкпул бербей коюшу керек. Ар бир балага жөлөкпул берилиши керек.

Ayida

2017-12-25 23:29:53

Кечиргиле мен туура эмес тушунуп алыптырмын.Карамат Орозовага кошулбаймын

BarsBaatyr

2017-12-26 22:28:30

Шайлоонун алдында жеп-жутарлар адыраңдаса кошо адыраңдаганбыз.Баарыбызга ЧАЛА болот.

Комментарий калтыруу үчүн өз ысымыңыз менен кириңиз же каттоодон өтүңүз.