Бишкекте "апокалипсис". Мэрия жана Жол кыймылынын коопсуздугун камсыздоо башкы башкармалыгы дагы "уктап калдыбы"?

Күтүүсүз эмес, кыш мезгилинин алгачкы айы аяктап баратканда, 27-декабрда түндө жаап баштаган карга шаар тургундары жана муниципалдык "Тазалык" ишканасы даяр эместей көрүнөт. ӨКМ жана Кыргызгидромет 3 күндөн бери аба ырайы кескин өзгөрүп, кардын жаашы күтүлүп жаткандыгын маалымдаганына карабастан борбор калаанын башкы көчөлөрүнүн көбү кардан тазаланбай, айдоочуларга жана жөө жүргүнчүлөргө ыңгайсыздык жаратууда.

Интернет колдоонуучулар Бишкекте "апокалипсис" орун алып, кардын мындай көп көлөмдө жаашына шаардын тургундары гана эмес тийиштүү органдар - мэрия, Жол кыймылынын коопсуздугун камсыздоо башкы башкармалыгынын даярдыгы жок экенин белгилешүүдө.

Шаар тургундары бүгүнкү күн жол тыгынына байланышкан жумушка кечигүүлөр менен башталганын жазышууда. Бир четинен кардын тазаланбаганы жол тыгынын пайда кылса, дөңгөлөктөрүн кышкыга алмаштыра элек айдоочулар экинчи себеби болгонун, көчөлөрдө муну көзөмөлгө алган Жол кыймылынын коопсуздугун камсыздоо башкы башкармалыгынын бир дагы кызматкери жок экенин белгилешкен.

Ошондой эле шаардын көптөгөн райондорунда электр жарыгынын өчүрүлгөнү маалым болду. Калың жааган карды көтөрө албай ийилип, сынайын деп калган бактардын саны шаардын көчөлөрүндө көп экенин, алар шаар тургундарынын өмүрүнө коркунуч келтирип жаткандыгын шаардыктар билдиришүүдө.

Бишкек шаарындагы көчөлөрдү кардан тазалоо иштери кандай жүрүп жатат деген суроо менен муниципалдык "Тазалык" ишканасынын басма сөз кызматына кайрылып, төмөнкүдөй жооп алдык: "Бишкек шаарында 19 кар тазалоочу, 2 кум чачуучу машина, 2 жүк ташуучу машина, 5 трактор таңкы саат 4:00дөн тартып шаарды кардан тазалоодо. Ошондой эле 516 жумушчу жөө жүргүнчүлөр жүргөн жолдорду кардан жана муздан тазалап жатышат".

Мындан сырткары, бир сутка ичинде 60 тонна кум жана 7 тонна туз колдонулганын, азыркы тапта да жумушчулар күчөтүлгөн режимде иштеп жатышканын кошумчалады маалымат катчы.

Автор: Айзада Тураркулова
Фото: Айзада Тураркулова

12:03 27-12-2017

Жазылуу

РУБРИКАДАГЫ СОҢКУ КАБАРЛАР

19:22 2025-07-12 | Түркүн дүйнө

Ташкентте көзөмөлсүз калган эки бала бассейнге чөгүп каза болду 205 0

17:51 2025-07-12 | Коом жана турмуш

“Камалып калгандар болот”. Бишкекте толук бүтпөгөн үйдүн жашоочулары лифттин иштөөсүнө нааразы 676 0

17:33 2025-07-12 | Кылмыштар, кырсыктар

Бишкекте жол тандабас катуу ылдамдыкта келип дубалды сүзүп токтоду (видео) 963 0

17:23 2025-07-12 | Кылмыштар, кырсыктар

Токмокто өспүрүмдөр массалык мушташты (видео) 671 0

16:24 2025-07-12 | Коом жана турмуш

УКМК жөнүндө кино тартылып жатат (видео) 971 0

15:48 2025-07-12 | Саясат

Бишкекте белгилүү кафелердин ордуна салынып жаткан аренанын курулушу кызуу жүрүүдө 882 0

Архив

Комментарийлер (11)

Jazdyn_tany

2017-12-27 12:06:12

10см карга эле ушунча жүдөйбүз, Россиядагыдай 60-70см, 1 метрге чейин жааса кандай болобуз?

Kosmos2013

2017-12-27 12:15:11

Jazdyn_tany,20см жаады

Tyty1990

2017-12-27 12:25:36

Аман эле болсун ушул мерия. Милицияга го эми илгертен соз жок. Эптеп септеп чыгабыз эми кыштан.

Hanzada.sabih

2017-12-27 12:41:19

Кышкыга даярдык деп болунгон акчаны да биздин "тойбос"торубуз жеп салышканда...

kenjebek_a

2017-12-27 14:18:20

АШАнын медаль таккан мери эмне эшек такалап жатабы.

PROS

2017-12-27 14:30:15

kenjebek_a,медалын кар басып калбасын деп жааган кардан калкалап жатса керек да))) Элдин көйгөйүнөн медаль важнее для них!!!

Дарыгер

2017-12-27 15:56:01

Даже 1 метр жаабайбы. Туну куну тынбай тазала на и ,,государства,, тыштан карыздар алышып карапайым жарандардын моюнуна илип жатат бийликтеги соройлор. Анан Бир жолду тазалаганга Каражат болушпойт. Тышкы карыздын айынан жаны торолгон бобокторубуз жолок пул ала алышпайтат

aiza16

2017-12-27 18:15:51

Бизге Ленин баш болгон адамдар ишке ашырган революциядай революция керек болуп калды окшойт. Министр депутаттарды алардын туугандарын кошо кулакка тартып. Элдин эсебинен байыган байлыктарын мамлекетке откозуп. Сургунго Алайкуу Чон Алай Ак Суу тарапка айдап.

Azamat_15

2017-12-27 21:09:20

Кар жааса да милиция күнөөлүбү

tnt_ostrof

2017-12-27 22:44:27

Бугун борбордук кочолорунун дээрлик копчулугу шыйфер го. Жон эле быдырайт. Карлар ээрип тонуп, кыскасы хадавойдун шору.Басумдуу болугу А́хунбаев Советский кесилиши тарап. Белинка жак жы́лтырайт жарыктык...

mratbashy

2017-12-27 23:10:15

Такси зынк болду да

Комментарий калтыруу үчүн өз ысымыңыз менен кириңиз же каттоодон өтүңүз.