Министр жөлөк пул берүү мөөнөтү 3 айга эмнеге жылдырылып жатканын депутаттарга кайра түшүндүрдү

Бүгүн, 27-декабрда Жогорку Кеңештин жыйынында балдарга жөлөк пулду берүү мөөнөтүн 3 айга жылдырууга багытталган мыйзам долбоору 2 жана 3-окууда каралууда. Анда жөлөк пулдар жөнүндө мыйзамды кайра иштеп чыгуу үчүн үч айга жылдыруу сунушталат. Депутат Айнуру Алтыбаева үч айдан кийин бул мыйзамда кандай өзгөчөлүктөр киргизиле турганына кызыкты. Ага эмгек жана социалдык өнүктүрүү министри Таалайгүл Исакунова жооп берди.

“Так айта албайбыз, чыгып кала турчу балдардын санын тактоо кыйынчылык жаратып жатат. Экинчиден, бул норма боюнча балдар 500 сомдон алып калып жатат. Буга чейин 810 сомдон берилип келген. Бул да нааразычылыкты жаратышы мүмкүн.

Учурда нормативдик база иштелип жатканда кемчиликтер байкалды. Анда 30 миңдей бала жөлөк пул ала албай калып жатат. Бул "үчүнчү баладан баштап жөлөк пул алып калат" деген нормага туура келип жатат. Ошондуктан өкмөт сүйүнчү пул боюнча норма иштей берсе, калган жаңы өзгөрүүлөр боюнча үч ай убакыт сурап жатабыз", - деп жооп берди министр.

Исакунова 5-6 баласы бар үй-бүлөлөр да биринчи, экинчи баласы үчүн жөлөк пул албай калышы мүмкүн экенин белгилеп, бул норманы иштеп чыгуу зарылдыгын айтты.

Биринчи вице-премьер-министр Аскарбек Шадиев да бул маселе боюнча оюн айтты. “Мыйзам абдан чийки болгон. Даярдалып жатканда өкмөт, биздин адистер тарабынан катачылык кеткен. Биз акыйкатсыздыкты оңдоп келели деп жатабыз”, - деди Шадиев.

Автор: Мунарбек Жоргомов

13:28 27-12-2017

Жазылуу

РУБРИКАДАГЫ СОҢКУ КАБАРЛАР

19:22 2025-07-12 | Түркүн дүйнө

Ташкентте көзөмөлсүз калган эки бала бассейнге чөгүп каза болду 205 0

17:51 2025-07-12 | Коом жана турмуш

“Камалып калгандар болот”. Бишкекте толук бүтпөгөн үйдүн жашоочулары лифттин иштөөсүнө нааразы 676 0

17:33 2025-07-12 | Кылмыштар, кырсыктар

Бишкекте жол тандабас катуу ылдамдыкта келип дубалды сүзүп токтоду (видео) 963 0

17:23 2025-07-12 | Кылмыштар, кырсыктар

Токмокто өспүрүмдөр массалык мушташты (видео) 671 0

16:24 2025-07-12 | Коом жана турмуш

УКМК жөнүндө кино тартылып жатат (видео) 971 0

15:48 2025-07-12 | Саясат

Бишкекте белгилүү кафелердин ордуна салынып жаткан аренанын курулушу кызуу жүрүүдө 882 0

Архив

Комментарийлер (3)

OMURBEK.

2017-12-27 13:47:37

Болуп жатат.кылыш керек антебиз мынтебиз тойгозду эн жонокой жолок пулду Али чечип бутолек болсо
Январ жакындаганда тоок жумуртка келгенде места издейттен болуп
Ушул кунгочейин эмне кылып журду дееги эле эн жонокой жолок пулду чечалбаса
Эмне кылышып ол турат ошого тан калам
Даагы уйундо светной телевизорун бар экен энендин смартфон телефону бар экен деп бербей койбосо эле болду

Sveta23

2017-12-27 14:48:15

мен түшүнбөдүм.айтып коюңуздарчы буга чейин пособие алып жүргөндөргө да токтотулабы.

urmat-87

2017-12-27 15:06:26

Бул айтып жаткан жаңы мыйзам кучунө кире турган болсо анда элдин 70пайызы пособие албай калат буну дыкат иштеп чыкпаса бул жакшылыкка алып келбейт пособие менен тиричилик кылгандар кантет?!

Комментарий калтыруу үчүн өз ысымыңыз менен кириңиз же каттоодон өтүңүз.