Депутат балдарга жөлөк пул боюнча мыйзам чийки жазылып калганына күнөөлүүнү жоопко тартуу керектигин айтты

Бүгүн, 27-декабрда Жогорку Кеңеште балдарга жөлөк пулду берүү мөөнөтүн 3 айга жылдыруу маселеси каралууда. Анда депутат Чыныбай Турсунбеков жөлөк пул боюнча мыйзам учурунда шашылыш кабыл алынган саясий чечим болгонун айтты.

“Бул мыйзамды шашып, саясий чечим кылып кабыл алганбыз. Эмнеге иштебей кайра келип калды. Балдардын баары алганы жатат деп айтып, эми кайра даректүүлүккө, мурдагы нормага кайтып жатабыз. Бюджетке зыян келбейт деп баарыбыз айтканбыз. Эми эч ким күнөөлүү болбой калдыбы? 6 айдан кийин кайра кайрылып, үч айдан кийин кайра карап жүрө бербей, бул баш аламандыкка жол берген бирөө жоопкерчиликтүү болушу керек”, - деди Турсунбеков.

Социалдык өнүктүрүү министри Таалайгүл Исакунова ким ката кетиргени боюнча жооп бере алган жок. Ал тек гана жөлөк пул берүү боюнча учурда иштеп жаткан мыйзамдын эскилигинен улам өкмөт бул өзгөртүүлөргө макулдук бергенин айтты.

“Бүгүнкү мыйзам 1998-жылдан бери иштеп келе жатат. Ал мыйзам эскирип иштен чыгып калды. Бул мыйзамда жаңылануулар бар. Ошондуктан өкмөт убагында колдогон”, - деп жооп кылды Исакунова.

Чыныбай Турсунбеков бул мыйзам дароо 2-3-окууда каралып жатканын белгилеп, Жогорку Кеңеш менен өкмөт шашып кайра эле ушул катачылыкка жол берилип кетүүсүнөн тынчсызданып жатканын айтты.

“Шашып жатып кайра эле ушул маселеге кептелип калышыбыз мүмкүн. Процедураларды сактасак”, - деди Турсунбеков.

Белгилей кетсек, жөлөк пул боюнча мыйзам кабыл алынган учурда Чыныбай Турсунбеков Жогорку Кеңештин төрагасы болгон.

Автор: Мунарбек Жоргомов

13:37 27-12-2017

Жазылуу

РУБРИКАДАГЫ СОҢКУ КАБАРЛАР

00:40 2025-07-11 | Саясат

Садыр Жапаров оңдоп-түзөөдөн өткөн Айтматов проспектисине барды (видео) 233 0

23:58 2025-07-10 | Саясат

"Эшиктен да, тешиктен да чыгып..." Оштун мэринин видеосу талкуу жаратты 993 0

23:55 2025-07-10 | Саясат

Ташиев соттордун айлыгы жакында жарым миллион сомго жакындай тургандыгын айтты (видео) 351 0

23:50 2025-07-10 | Саясат

Бишкекте ипотекалык багыттагы 225 батирдин ачкычы тапшырылды 302 0

23:41 2025-07-10 | Саясат

Садыр Жапаров турак жайга муктаж болгондорду 5 жылда толук камсыздоо планын айтты 238 0

23:29 2025-07-10 | Саясат

Өлкөдөгү айылдарга да ипотекалык үйлөр курулат 432 0

Архив

Комментарийлер (10)

Shekeev969798

2017-12-27 13:41:50

Бакылдаган текени Суу кечкенде коробуз дечу беле

Karban86

2017-12-27 13:57:02

Текебаевдин орду билинет экен

Bolunbo.kyrgyz

2017-12-27 14:03:53

Теке жок мына 120 момпошайлар нени кыйратты

good-girl

2017-12-27 14:20:15

Анда мартка чейин даагы коптогон дакменттерди чогултуп машинасы халадилниги жок уйу жокторго эле берилет экенда эээ же буларгада жок болдубу 3 ай

Too-tash

2017-12-27 15:21:44

Бул жерде номер бир куноолуу - Карамат Орозова деген депутат, мыйзамды чийки жазган, элди ойлобой!!! Ошону мандаттан ажыратуу керек...

Ал эми министрлер депутаттар астында бужуроп онго бас десе онго басат, солго бас десе солго басат.

Анан экинчи орунда куноолуулор ошол мыйзамга "макул" деп добуш берген депутаттар менен ошол мыйзамга кол койгон Атамбаев куноолуу... Булар баары элден кечирим сурашы керек, мыйзамды болсо башынан ондоп жазып чыгуу керек...

Too-tash

2017-12-27 15:26:36

120 депутаттын башы жетпей жатса мен подсказка берейин...

1) Мыйзамдагы суйунчу пул озгортуусуз калсын. Жаны торолуп туулгандыгы тууралуу куболук алган наристеге Окмот бир жолу 4000 сом толоп бериши керек.

2) 3 жашка чейинки БАРДЫК бобокторго Окмот ай сайын 700 сом эмес, 900 сомдон толоп берсин.

3) ЖАРДАМГА МУКТАЖ, ЖАШОО ШАРТЫ НАЧАР уй-булолордун гана 3-16 жаш арасындагы балдарына Окмот ай сайын 500 эмес, 700 сомдон толоп берууго милдеттендирилсин.

Too-tash

2017-12-27 15:30:59

Суйунчу пул, жолок пулдар ата-эненин тандоосу боюнча жашаган аймактагы почта болумунон же банк карточкасын ачтырып банк карточкасынан алса боло турган кылыш керек...

Жардамга муктаж уй-булолорду аныктоо учун реальный критерийлер керек, телевизор, холодильник, шалдырак машинеси бар болсо берилбейт дебестен...

Анан ошол жардамга муктаж уй-булолорду аныктап документ чогулткан соц.адистер ар бир баланын бир жылдык жолок пулунун 1-2 айлык акчасын оз чонтогуно "согуп" калат.

Too-tash

2017-12-27 15:33:40

Бул тармактагы коррупцияны жою боюнча иш алып баруу керек...

Ал эми 3-16 жаш арасы 3тон ашык балалуу уй-булолордун учунчу баласынан баштап 500 сом берилет деген САНДЫРАК пункту жоюп салгыла!!!

Ошол САНДЫРАК мыйзам жазган Карамат Орозованын жоопкерчилиги каралсын...

NURSAPAR

2017-12-27 15:37:29

Жоопко тартыш керек күнөөлүүлөрдү бир экөөнү камап.. беш алтоону иштен алып а то боло берет деп жүрө берет

Gulnyr19

2017-12-27 21:38:41

Анда баарың чекеден жоопко тартыласыңар,кабыл алганда уктап отургансыңарда э эми чийки деп

Комментарий калтыруу үчүн өз ысымыңыз менен кириңиз же каттоодон өтүңүз.