Депутат Аалы Карашев: "Кар жаады, эл абдан кыйналып жатат. Жолдор убагында тазаланбай калган мезгилдер болууда. Ашууларда жол тыгындары 5-6 саат отуруп калгандар болду. Кечээ күнү жол жабылып калды деген кабарды окудук. Бүгүнкү күндө жол жабылса аба каттамы эле бар. Каттамдарды көбөйтөлү. Билет баасы боюнча 4000 сомдон ашпайт деген кымбат, эл көтөрө албайт дегенбиз, бирок бул боюнча реакция жок. Бул маселе чечилген жок", - деп өкмөт мүчөлөрүнө кайрылды.
Депутат Эмил Токтошев: “Кыш күчүнө кирип, кардын жаашы менен бир катар айылдарда электр жарыгы өчүп, кышка болгон даярдыктардын жетишсиздиги байкалып калды”, - деп нааразычылыгын билдирди.
