ЖЫЛНААМА, 4-ЯНВАРЬ: Ырчы Элмира Кайып кызы көзү тирүү болгондо 43 жашка чыкмак

Ырчы Элмира Кайып кызы 1975-жылы 4-январь күнү Ысык-Көл облусуна караштуу Жети-Өгүз районундагы Ак-Терек айылында туулган. 2017-жылдын 1-сентябрь күнү дем алуусу кыйындап, инфаркттан улам дүйнө салган. Ырчы айым көзүү тирүү болгондо 43 жашка чыкмак.

Ал Т.Сатылганов атындагы эстрадалык студияны жана Б.Бейшеналиева атындагы искусство институтун аяктаган.

Алгач Р.Абдыкадыровдун "Ак куулар сени сагынар" деген ыры менен К.Орозов атындагы оркестрдин коштоосунда сахнага чыккан. Эстрадада Шамшыбек Өтөбаевдин "Калды эсимде" деген ыры менен таанылган. Элмира Кайып кызынын аткаруусундагы "Булбулум" аттуу чыгарма элге кеңири тараган. Ырчы акыркы мезгилдерде Мамлекеттик чек ара кызматынын ыр жана бий ансамблинин насаатчысы болуп иштеп келген.

4-январга карата жылнаама.

Автор: Бекжан Рыскулов