17 жыл унаа жууп, 4 баласын баккан Асыл Төлөевага кайрымдуу жарандар үйдүн ачкычын тапшырды

Өткөн жылдын март айында маршруттук унааларды жууп, 4 баласын багып келе жаткан жалгыз бой эне, Асыл Төлөева аттуу аялдын тагдыры тууралуу чагылдырылган.

Анда 59 жаштагы Асыл Төлөеванын 30 жылдан бери үйү жок, батирлеп жашап жатканы баяндалган. Андан соң Төлөевага боорукер жарандардын көңүлү бурулду. Жеке ишкер Азамат Байматов Асыл Төлөеванын аянычтуу тагдырына кайдыгер карай албай, Чүй облусунун Сокулук районундагы Алтын-Ордо конушуна 4 бөлмөлүү үй салып, ачкычын бүгүн, 4-январда колуна тапшырды.

"Асыл апанын тагдырын SUPER.KG порталынан көрүп, жүрөгүм ооруду. Эненин көз жашын карап тура албай, жардам көрсөтүүнү туура көрдүм. Бул үйдү жаз мезгилинде куруп баштап, жаңы жылга чейин салып бүтүүгө үлгүрдүк. Өткөн жылдын эсебинен 7 облустагы жардамга муктаж 7 үй-бүлөгө үй куруп бердик. Чынында бул аракеттердин ишке ашуусуна кайрымдуу жарандардын жардамы чоң", - дейт Байматов.

Жаңы үйдүн босогосун аттап, кубанычы коюнуна батпай турган Асыл Төлөевада бүгүн кош майрам. Ал 60 жаш мааракесин жаңы үйүндө белгиледи. Анын ак өргөөсүн жана туулган күнүн куттуктап ырчылар Салима Балтаева, Гүлзат Байзакова, Жайнагүл Калчаева, куудулдар Борончу Кудайбергенов, Рысбек Жантөрөев, төкмө акындар жана башка маданият өкүлдөрү келишти. Алар келген коноктордун маанайын көтөрүп, чакан ыр-белектерин тартуулашты.

Асыл Төлөева жайы-кышы дебей №344-каттамындагы маршруттук унааларды жууп, күнүнө болгону 150-200 сом таап келген. Башка жумушка кирейин десе ден соолугунун мүмкүнчүлүгү чектелген кызын таштаганга киши жок болчу. Эми муздак сууга колумду салбайм деп сүйүнөт эне.

"Мен үчүн 2017-жыл кубанычтын жылы болду. Көптөн берки кыялым орундалып 4 бөлмөлүү үйлүү болдум. Кудайга шүгүр, өмүр бою иштеп жетпеген үйгө эми жеттим. Менин кубанычыма себепкер болгондорго ыраазымын, эгер тагдырым тууралуу маалымат чыкпаса, дале суукта пол жууп иштеп жүрмөк белем, ким билет? Азамат Байматовго рахматымды айтам", - деди ал.

Автор: Илим Туратбек уулу
Фото: Илим Туратбек уулу

19:11 04-01-2018

Жазылуу

РУБРИКАДАГЫ СОҢКУ КАБАРЛАР

23:17 2025-07-11 | Түркүн дүйнө

"Шереметьево" аэропортунда жерге ыргытылып жабыркаган наристе ооруканадан чыгарылды 891 0

22:48 2025-07-11 | Коом жана турмуш

Түштүк Кореяда 123 кабаттуу эң бийик имаратта эл аралык компания менен иштешип жаткан Диана менен маек 3155 0

22:07 2025-07-11 | Коом жана турмуш

218 миң сомго чейин... Быйыл ЖОЖдордо окуу акысы канча? Тизме 4243 0

21:27 2025-07-11 | Кылмыштар, кырсыктар

Ошто жаш кызга карата туура эмес мамиле жасаган агайга чара көрүлдү 1990 0

20:11 2025-07-11 | Саясат

Үрөй учурган кадрлар! Индонезияда питон адамга кол салды 2501 0

19:22 2025-07-11 | Спорт

Кыргызстандык эки балбан кыз Азия чемпиондугунун финалына чыкты 1075 0

Архив

Комментарийлер (26)

Janybekleilekkg

2018-01-04 19:24:02

Азамат! Атыга заты жарашкан бала экен.Акжол оргоонуз кут болсун Эже

+11

Benazir08

2018-01-04 19:57:50

Тегеле жакшы болгон турбайбы. Уй куруп берген адамдарга Аллахым кучагын жая берсин чондордон,байлардан 50минден алып чогултуп жылына 7 обл уй салып беришсе гана. Бири бирибизди угуп ынтымакта бололу

FIFA7

2018-01-04 20:11:01

Жанагы пайдасыз, мусор болгон кочмондор оюнуна короткон 300 млн сомго, орто эсеп менен эсептегенде, бир млн сомго чакан бир уй келсе, ошондо 300 ушундай кыйналган адамдар уйлуу болуп калмак экен. Ал 300 млн акчаны .ок курсактар .окко коротуп жок кылышат, кыйналгандардын каргышы тийгирлегир. Пс Азамат бро молодец экенсиз, эми тиги учем баласы менен батирлеп жашап жургон эженида карап койсонуз соонун болмок.

grace

2018-01-04 20:27:37

Азамат Байматов иниме миңден бир рахмат! Кылган сооп иштериңе Кудайдын батасы болсун!

netsa

2018-01-04 21:08:19

grace,Азамат Байматов футбол ойногон бала беле?

FIFA7

2018-01-04 21:13:54

netsa, Жок, башка бирок ф.и сы окшош).

voennyi88

2018-01-04 20:33:49

Пайгамбардай жигиттер бар минерге эшеги жок/эшектей жигиттер бар,байлыгынын сандарына эсеби жок. Баракелде жасаган эмгегиниз учун.

+10

amirrus

2018-01-04 20:54:55

Алла ыраазы болсун салым кошкондорго,кана эле биз да бироого пайдабыз тийип суйунтсок.

Firdaus-Muslim

2018-01-04 21:24:59

Аллах ыраазы болсун! Кайрымдуулук кылып жардам берген инсандарга.

Milashkaa

2018-01-04 21:26:49

Молодец

salimbek87.kg

2018-01-04 21:29:22

Аллах ыразы болсун бул жаңылык аябай мени кубантып жиберди Аллах өзү колдосун баарыбызды аамин.

shumkar929292

2018-01-04 21:53:32

Маданият адамдары ырдап кана эмес жардам да беришет

Kanzada97

2018-01-04 21:53:41

Ма шаа Аллах соонун уй

akonia

2018-01-04 22:19:40

Азамат Байматовго чоон рахмат сенин пендеге кылган жакшылыгын кудайдан кайтсын

aydinnur

2018-01-05 00:05:40

Ай азамат Азамат,атына заты жарашкан жигит экен..ушуну менен 3-4 жолу окудум бул жигит жөнүндө кайрымдуулук иштерин кылганын.. Биз болсо отурабыз кайдагы бир болбогон ууру кески саясатчылар үчүн айтышып, жаман-жакшы көрүнүп бири-бирибизге..

BekAmir

2018-01-05 00:46:00

Ушу баланын кайрымдуулук иштерин коп угабыз. Бар бол,Кыргызда сендей уулдар коп болсун Азсмат!!!

Ferdews

2018-01-05 11:22:00

Ушундай жакшы адамдар бар экендигине, бул жакта туруп мен кубанып жатам,Ак оргонуз кут болсун,ак жолтой уйлордон болсун.

Комментарий калтыруу үчүн өз ысымыңыз менен кириңиз же каттоодон өтүңүз.