Сот Канат Исаевди 12 жылга эркинен ажыратты

Кечээ, 4-январда Бишкек шаарынын Биринчи Май райондук сотунда Жогорку Кеңештин депутаты Канат Исаевдин иши каралды. Отурумдун жүрүшүндө жарыш сөз орун алып, айыпталуучулар акыркы сөздөрүн айтышты.
Кийин сот Абдуразак Боромбаев кеңешме бөлмөсүнө кирип чыгып айыпталуучуларга карата чыккан чечимди угузду. Анын чечимине ылайык:

Канат Исаевди мамлекеттик айыптоочулар 303-берененин биринчи бөлүмүнүн негизинде (коррупция) соттон 20 жыл эркинен ажыратууну сураган. Сот ага суралган мөөнөттү амнистияга таяп чейрек мөөнөткө кыскартып, 12 жылга эркинен ажыратты. Ал абакта күчөтүлгөн тартипте жаза мөөнөтүн өтөмөкчү. Ошондой эле мүлкүн конфискациялоо менен бирге жазасын өтөгөн соң 3 жылга чейин мамлекеттик кызматтарда иштөөгө тыюу салды.

Ал эми аны менен бирге айыпталып жаткан Мирлан Эсенбеков жана Болот Имамадиевге прокурорлор 18 жыл сураган. Аларга 10 жылга күчөтүлгөн тартипте жаза мөөнөтүн өтөө чечими чыгарылды. Сот аларга суралган мөөнөттүн үчтөн бир бөлүгүн кыскартып, сот залынан камакка алууга буюрду. Ал эми Исаев болсо буга чейин эле камакта болгон.

Мындан тышкары башка соттолуучулар Алмаз Сейталиев, Каныбек Аблабеков, Любовь Чудинова жана Бактыбек Асыгалиевдин үстүнөн козголгон кылмыш иштеринин мөөнөтү эскиргендигине байланыштуу аларга карата ачылган иш токтотулду.

Эскерте кетсек, Исаев 2008-2010-жылдар аралыгында Токмок шаарынын мэри кызматын аркалап турганда "пара алууга жол берген жана кызмат абалынан пайдаланган" деп айыпталып жатат. Анда Исаевдин тушунда 2009-жылы 8 гектар жер тилкеси жатаканасы менен бирге 3 миллион 200 миң сомго сатылганы, шаардын борбордук базарынын жанындагы автобекеттин орду жеке тараптарга соода түйүнүн курууга берилгени соттук териштирүүдө айтылган. Бирок мамлекет тарабынан түзүлгөн эксперттик топ 2016-жылы 8 гектар жер тилкеси жана жатакана боюнча экспертиза жүргүзүп, мүлктүн баасы 17 миллион сомдон ашык акчага бааланганы маалым болгон. Мындан улам мамлекеттик айыптоочулар Исаевдин мүлкүн конфискациялоо менен бирге күчөтүлгөн тартипте 20 жылга эркинен ажыратууну, калган 6 айыпталуучунун да мүлкүн конфискациялап, анын ичинен үчөөнү 9 жылга, экөөнү 18 жылга, бирөөсүн 16 жылга күчөтүлгөн тартипте эркинен ажыратууну өтүнүшкөн.

Автор: Кенжебай Сатканалиев

07:59 05-01-2018

Жазылуу

РУБРИКАДАГЫ СОҢКУ КАБАРЛАР

00:00 2025-06-18 | Түркүн дүйнө

Трамп Иран боюнча бир катар билдирүүлөрдү жасады 1446 0

23:49 2025-06-17 | Түркүн дүйнө

Түндүк Кореяга алгачкы ирет Орусиядан поезд жөнөп кетти (видео) 850 0

23:30 2025-06-17 | Түркүн дүйнө

АКШ аралаша баштады... Иран Израилдин эки шаарына эскертүү берди 2205 0

23:22 2025-06-17 | Саясат

Садыр Жапаровдун Астанага болгон иш сапары аяктады 331 0

23:03 2025-06-17 | Түркүн дүйнө

Иран Израилге жаңы ракеталык чабуулун баштады 1781 0

22:45 2025-06-17 | Түркүн дүйнө

Индонезияда Левотоби жанар тоосу атылды (видео) 579 0

Архив

Комментарийлер (18)

Medinaa

2018-01-04 23:41:29

Кудай тараза.Аялы,баласы бар да((

Real.88

2018-01-04 23:46:52

Биздин соттор жогурку жактын буйругу менен иш жургузуп калган го.
Аша менен Сокем ой зор деп мактап турса,кызматы жогорулайт, жаман десе бутту сразу 10-12 жылга Кетти.

lady_91

2018-01-05 00:18:16

Анын эми чын жалганын бир озу бир Кудай билет бирок чындап камала турган адамдар бийлике кызмат кылып журушот жыргап ээн эркин... Кыргызстанда жебеген жердин тубундо гана болсо керек

00AbibhanovMunarbek0045

2018-01-05 00:36:29

Куноосу болсо камалыш керек туура видеодон деле кордукго ясно да баары Бабановта тайын болду ачык эле

barsbegKG

2018-01-05 01:17:11

Камалчулардын көпчүлүгү АШАга Сокеге кошамат кылып жүрөт. Бсш болуп аша өзү камалсын. Аты жок жыты жок партияны аша өзү парламнетке алып келип эми пикири келишпей каматты. Мен ушундай эле түшүнөм.

FIFA7

2018-01-05 02:50:07

Подстава

Bars111

2018-01-05 03:04:02

Людмила Чудиновасы ким болду экен ээ? Менимче Игорь Чудиновтун бирдемеси окшойт

Tynybek1989

2018-01-05 05:02:35

Даааа азыр кимисине ишеништида билбейсин.анысы бунусуна шыбаса бунусу анысына......мейли бул жалган жашоодо ушинтсин эрттен аркы жакта жооп бериш бар

medetbek

2018-01-05 06:09:26

Жайлапсынар эми кимди камайсынар?

rysik79

2018-01-05 07:40:09

Кезекте следующий жанар акаев, мадумаров, бекназаров., кыскасы жалпы 35 болуш керек Сокеш экообуздун санаганыбыз боюнча.

Kanat.tls

2018-01-05 09:32:25

Соттордун озун соттош керек!!!!!!!! 60-70-жылга

Aza17

2018-01-05 09:50:04

Ырас эле болуптур Бабановду жандаса ушундай болот. Бабандын XXXX.
Негизи татыктуусу Мадумаров.

Adikoo2011.

2018-01-05 10:23:39

Ким билет балки чын эле коррупцияга жол бергендир билип |кармасам керек же буйрукбу билбейм 12 жыл айтышка оной байкуш ка кыйын эч кимдин башына тушпосун

Karban86

2018-01-05 10:35:00

Бакиевдердин коттедждерин арзан саткандарга мыйзам иштейби

i1urp

2018-01-05 12:26:40

Кызычылыктар ырдап турган жерде, адилеттуулук унчукпай турат.

Комментарий калтыруу үчүн өз ысымыңыз менен кириңиз же каттоодон өтүңүз.