Өлкөнүн түштүгүндө күчү 3,5 баллга жеткен жер титирөө катталды

Өлкөнүн түштүгүндө күчү 3,5 баллга жеткен жер титирөө катталды. Бул тууралуу бүгүн, 5-январда Улуттук илимдер академиясынын Сейсмология институтунан билдиришти.

Маалыматка караганда, жер титирөө 4-январдан 5-январга караган түнү саат 02:15те Алай тоо кыркаларында болгон.

"Жер титирөөнүн очогу Кара-Тейит айылынан 26 чакырым түндүк-батышта, Карамык айылынан 28 чакырым түндүк-батышта, Коргон айылынан 50 чакырым чыгышта, Эгин-Жай айылынан 50 чакырым түштүк-батышта жайгашкан", - деп айтылат маалыматта.

Жер титирөөнүн күчү калк жашаган аймактарда 2 баллдан 3,5 баллга чейин сезилген.

Автор: Мундуз Нурланбек уулу