СУПЕРСТАН: "Эгер 1 миллион доллар таап алсам, памирлик кыргыздарды көчүрүп келмекмин"

SUPER.KG порталынын "Суперстан" бөлүмүндө "1 миллион доллар таап алсаң эмне кылмаксың?" деген тема талкууга алынган.

Колдонуучулардын билдирүүлөрүнөн:

"Таап алсам ээсин издемекмин, себеби ал да бирөөнүн ырыскысы да. Өзүң иштетсең баары бир жукпайт, берекеси жок болот".

"Мен дароо эле ал акчаны мамлекетибиздин бюджетин толтуруу максатында президентке же финансы министрине алып барып бермекмин. Мамлекетибиздин өнүгүшүнө коротуп жатышкандарын көзөмөлдөп турмакмын".

"Мен жоготкон адам гана түшүнө тургандай кылып жарыя бермекмин. Эгер бир айдын ичинде эч ким келбесе, ал акчага жакындарыма олчойтуп-олчойтуп белек алып, муктаж кошуналарыма садага бермекмин, апамдын юбилейин өткөрмөкмүн. Үй-бүлөбүз менен чет жакта эс алып келмекпиз. Оңой табылган акчаны оңой коротмокмун, бизнеске жумшамак эмесмин".

"Банктагы эсебиме акчам көбөйө берсин деп кошуп коймокмун".

"Мен болсо бир чоң тигүү цехин ачмакмын. Негизи эле Кыргыз өлкөсүнүн кийимдери Түркиянын, Кореянын кийимдеринен озуп кеткенге мүмкүнчүлүгү бар. Өлкөбүздө ушунчалык таланттуу уздар бар, аларды алып келип ишканама иштетип, айлык акысын жакшы төлөп бермекмин. Анан биздин кийимдерибиз бүт дүйнөгө тарамак. Ошондой эле тигүүчүлөрдүн мектебин ачып, мектепке таланттуу кыздар-балдарды окутмакмын. Аларга тажрыйбалуу, улуттук деңгээлдеги жана заманбап мугалимдер сабак бермек".

"Ата-энемди камсыз кылып, бир туугандарыма, бей-бечара, карылар үйүнө, балдар үйүнө салымымды кошмокмун. Анан тиги Памирдеги кыргыздарды көчүрүп келмекмин. Анан, албетте, өзүмдүн ден соолугума жумшап, калганына чакан бизнес ачмакмын".

Талкууга кошулгуңуз келсе, бул жакка кириңиз.

Автор: Саадат Токтоболот кызы

20:10 05-01-2018

Жазылуу

РУБРИКАДАГЫ СОҢКУ КАБАРЛАР

11:56 2025-06-30 | Кылмыштар, кырсыктар

Бишкектин вице-мэри Талайбек Байгазиев опузалап алган акчасын кайтаруу учурунда кармалды 141 0

11:24 2025-06-30 | Түркүн дүйнө

Францияда 1-июлдан тарта коомдук жайларда тамеки чегүүгө чектөө кирет 110 0

11:22 2025-06-30 | Түркүн дүйнө

Измирдеги Аднан Мендерес аэропорту кайрадан учууларга ачылды 140 0

11:17 2025-06-30 | Саясат

"Ойногонуңарды көрбөйүн..." Ташиев эмгек өргүүсүнө чыкчу жетекчилерге кайрылды (видео) 624 0

11:13 2025-06-30 | Коом жана турмуш

Өлкөдө айрым багыттар боюнча сырттан окууга убактылуу чектөө киргизилди 280 0

11:01 2025-06-30 | Түркүн дүйнө

Иранда Израил менен согушта каза болгон аскер жетекчилери жана ядролук илимпоздор массалык түрдө жерге берилди 568 0

Архив

Комментарийлер (8)

suban78

2018-01-05 20:40:14

Ээх торт аял алмакмын, эээх атанын кулагы

UEFA-FIFA

2018-01-05 21:12:36

suban78, Брат эркекчесин и ток этер жерин айттын, ташта бешти))).

Rifle_I

2018-01-06 00:01:25

1 жылда шыйрагың чыгып, кабыргаларың саналып калмак анда.

Zahide

2018-01-05 21:09:46

1 million akchanyz jok dechi birok al anchalyk dele kop akcha emes aitkannardyn baaryna jetkidei :)

nurbek56

2018-01-05 23:00:39

Мен 1.мил доллар таап алсам уч жолу кимдики деп бакырам ээси чыкпаса омурткама операция жасатат болчум 6.жылдан бери умутум басып кетиш

barakcha

2018-01-05 23:44:57

nurbek56,а мен таап алсам сизге операция жасатканга бермекмин.калганына Москвадан 1квартира сатып алмакмын.

Tyty1990

2018-01-06 08:47:05

Баары эле кайтармакмын,ээсин издемекмин дей беришиптир,калп эле болсо да.

Nevestkaa

2018-01-06 11:11:09

Анча акча таап алсак эч кимибиз кайтарбасак керек мындай шанс ар дайым эле боло бербейт деп.Мен таап алсам аркамы карабай Крга балдарыма кетмекмин,балдарымын жанынан карыш жылбай жанында болмокмун.

Комментарий калтыруу үчүн өз ысымыңыз менен кириңиз же каттоодон өтүңүз.