Орусияда 5-кабаттан кулап кеткен Жаркынай Юсупова боюнча элчилик тактоо иштерин жүргүзүп жатат. Бул тууралуу SUPER.KG порталына Орусиядагы кыргыз элчилигинин басма сөз кызматынан билдиришти.
"Жаркынай Юсупова боюнча маалыматыбыз бар, учурда тактоо иштерин жүргүзүп жатабыз. Элчиликке Орусиядагы Кыргыз диаспорасы да ал кыз боюнча кайрылуу жасашты. Дүйшөмбү күнү биздин кызматкерлер барып өзү менен сүйлөшүшөт", - деп билдиришти басма сөз кызматынан.
Айта кетсек, буга чейин Жаркынай Юсупованын апасы кызы Орусиянын Москва шаарында көп кабаттуу үйдүн 5-кабатынан кулап, операцияга 300 миң рубль төлөй албай жатышканын айткан.