Кыргыз өлкөсүнүн Түркмөнстандагы элчиси Жаныш Рүстөнбековдун жубайы каза болду

Бүгүн, 7-январда Кыргыз өлкөсүнүн Түркмөнстандагы элчиси Жаныш Рүстөнбековдун жубайы Айгүл Осмонова узакка созулган оорудан улам 68 жаш курагында көз жумду. Бул тууралуу Тышкы иштер министрлигинин басма сөз кызматы кабарлады.

"Кыргыз Республикасынын Тышкы иштер министрлигинин эмгек жамааты элчи Жаныш Рүстөнбековдун жубайынын каза болгонуна байланыштуу, жакындарына терең кайгыруу менен көңүл айтып, аза кайгысын тең бөлүшөт", - деп айтылат маалыматта.

SUPER.KG порталынын эмгек жамааты Айгүл Осмонованын көз жумганына байланыштуу үй-бүлөсүнүн, жакындарынын аза кайгысын тең бөлүшүп, терең кайгыруу менен көңүл айтат.

Автор: Мунарбек Жоргомов