"ЭЛДИК КАБАРга" жооп: "Оорукананын оңдоп-түзөө иштерине деп кызматкерлерден 120 сомдон чогултулган эмес"

Ош облустук балдар клиникалык ооруканасын оңдоп-түзөө иштерине деп кызматкерлерден 120 сомдон акча каражаты чогултулган эмес. Бул тууралуу бүгүн, 8-январда SUPER.KG порталына Ош облустук балдар клиникалык ооруканасынын көз оорулар бөлүмүнүн башчысы Айгүл Азизова өзү кабарлады.

"Оорукананын оңдоп-түзөө иштерине деп кызматкерлерден 120 сомдон алынган эмес. Бул жайда эч кандай оңдоп-түзөө иштери жүргүзүлүп жаткан жок. Болгону көз оорулар бөлүмү 1-кабаттан, 2-кабатка көчтүк. Аталган бөлүмдө кызматкерлер арасында орун алмашуулар болгондуктан, кээ бири нааразычылыктарын билдиришкен. Биз алардын көйгөйлөрүн чечип, кызматкерлер жумуш орундары менен камсыздалды", - деди бөлүм башчы.

Буга чейин окурман тарабынан порталдын "Элдик кабар" бөлүмүнө Ош облустук балдар клиникалык ооруканасын оңдоп-түзөө иштерине деп кызматкерлерден 120 сомдон акча каражаты чогултулуп жаткандыгы тууралуу маалымат келген.

Автор: Максат Орозумбетов