Мектеп окуучуларынын кышкы каникулу 10-январда аяктайт. Мындай тактоону бүгүн, 9-январда Билим берүү жана илим министрлигинин маалымат кызматы билдирди.
Министрликтин маалыматына ылайык, 11-январь - бейшемби күнү өлкөдөгү бардык мектептерде окуу башталат.
"Буга чейин бир нече маалымат каражаттарына "окуу 10-январда башталат" деген кабар жөнөтүлүп, жарыяланган. Бирок андагы текст ката менен жөнөтүлгөн, туурасы - окуу 11-январда башталат", - деп билдирди маалымат кызматы.