"ЭЛДИК КАБАРга" жооп: Башкы дарыгер: "Кара-Кулжадагы дарыгерлер борборунда көз доктурду кулак-мурун дарыгерине адистештиребиз"

Ош облусуна караштуу Кара-Кулжа райондук ооруканасында бир дагы кулак-мурун дарыгери жок болуп жатканын айтып бүгүн, 9-январда "Элдик кабарга" окурман билдирүү жиберген. Кара-Кулжа шаарынын Үй-бүлөлүк дарыгерлер борборунун директору Чынара Карымчакова бул маалымат боюнча жооп берди.

"Биз буга чейин Казыбек аттуу врачты кулак-мурун дарыгерине окутканбыз. Ал 4 ай окуп келип, бизде иштеген. Бирок 2017-жылдын июль айында ал өргүүгө чыгып, Орусияга кетип калды. Анын ордуна биз жарым ставкага башка дарыгер алганбыз. Ал 2017-жылдын октябрь айында ден соолугуна байланыштуу өргүүгө чыгып, жумуштан кетип калды. Бизде азыр кулак-мурун дарыгери жок болуп жатат. Азыркы тапта көз доктурду кулак-мурун дарыгерине адистештиргени жатабыз. Ошону менен жакынкы арада маселе чечилет деп ойлойм. Андан тышкары биз Ош мамлекеттик университетине ординатураны өтүп жаткандарды бизге жиберүүгө сураныч катын жөнөткөнбүз", - дейт Чынара Карымчакова.

Айта кетсек, окурман төмөнкүдөй билдирүү жөнөткөн. "Кара-Кулжа районундагы бейтапканада да, ооруканада да кулак-мурун дарыгерлери жок. Район боюнча бир дагы кулак-мурун дарыгеринин жоктугун кантип түшүнөбүз? Бул ооруканага адамдар балдары менен айылдардан келип убара болууда. Бейтаптар Ош шаарына же Өзгөн шаарына барганга аргасыз. Бул эл үчүн убара жана чыгым. Оорукананын директору дарыгердин качан болору тууралуу суроолорубузга оңдуу да жооп берген жок", - деген окурман.

Автор: Нурсултан Нурболот уулу

21:42 09-01-2018

Жазылуу

РУБРИКАДАГЫ СОҢКУ КАБАРЛАР

00:40 2025-07-11 | Саясат

Садыр Жапаров оңдоп-түзөөдөн өткөн Айтматов проспектисине барды (видео) 233 0

23:58 2025-07-10 | Саясат

"Эшиктен да, тешиктен да чыгып..." Оштун мэринин видеосу талкуу жаратты 993 0

23:55 2025-07-10 | Саясат

Ташиев соттордун айлыгы жакында жарым миллион сомго жакындай тургандыгын айтты (видео) 351 0

23:50 2025-07-10 | Саясат

Бишкекте ипотекалык багыттагы 225 батирдин ачкычы тапшырылды 302 0

23:41 2025-07-10 | Саясат

Садыр Жапаров турак жайга муктаж болгондорду 5 жылда толук камсыздоо планын айтты 238 0

23:29 2025-07-10 | Саясат

Өлкөдөгү айылдарга да ипотекалык үйлөр курулат 432 0

Архив

Комментарийлер (6)

Nevestkaa

2018-01-09 23:28:40

Окулистти Лор кылып ашмалтайын чыгарат экенсиңер да эми.Ошондой чоң райондо бир да лор жок э,ишке кириш үчүн да акча алышса ошондой болот да.

Ense1705

2018-01-09 23:31:41

Коздун врачын адистештирип,анысы билип-билбей,туура эмес диагноз койуп,дарылап ооруган адам жаш неме болсо анын келечегине кедергисин тийгизбес бекен,эн жакшысы убара болсонуздар деле ишин мыкты билген,дасыккан адиске корунунуздор,ден-соолукка кайдыгер карабаныздар,кулак бул опурталдуу

Sagyn.91

2018-01-10 00:27:49

Айлык маянанын аздыгы да бул корунушко туртку болууда. Азыр шаардан окуп, шаардагы ооруканаларда калып кеткендер жок эмес.
Анан кантип коз ооруларын кабыл алган врач кантип кулак- мурун ооруларын даарылаарын элестете албай жатам. Бул учун практика жузундо кеминде 3-4 жыл эмгектениш керек эмесби.

Altynbek94

2018-01-10 01:13:20

Биринчиден окмот жаш кадрларга шарт тузуп бериши керек айлыкты которсо анан баратда райондорго .Бизде кобу жаш кадрлар жет жака кетип жатышат окуусун бутуп эле колдоо жок

kechirmeni

2018-01-10 08:56:48

Айлыкты которсонор эле чечилет бул маселе, айлыктын азын коргон кадрлар айлык коп жакка кетип атышат да. Эгер которуп койсонор ошо Орусияга кеткенинер да келет кайра. Сокеге кат жолдогула,чечип берээр уялып озунун айылы болсо тем более

Koichuman

2018-01-10 09:19:02

Андан ал жердин системасы кучтууго окулисти, лор кылып медсестраны хирург кылгыла эми!

Комментарий калтыруу үчүн өз ысымыңыз менен кириңиз же каттоодон өтүңүз.