Сапар Исаков сүйүнчү пул боюнча кеңешме өткөрдү

Өкмөт башчы Сапар Исаков ымыркайлар төрөлгөндө бериле турган сүйүнчү пулдарын эсептөө маселеси боюнча кеңешме өткөрдү. Бул тууралуу өкмөттүн басма сөз кызматынан билдиришти.

Маалыматка ылайык, аталган кеңешмеде өкмөт башчы жарандар үчүн сүйүнчү пул алууну максималдуу түрдө жеңилдетүү жана аны алуу үчүн арыз берүүдөгү бюрократиялык тоскоолдуктарды төмөндөтүү зарылдыгын айткан.

Ошондой эле мааламытта Мамлекеттик каттоо кызматынын төрагасы Дастан Догоевдин сүйүнчү пулду берүүнү оптимизациялоо үчүн алардын жана Эмгек жана социалдык өнүктүрүү министрлигинин ортосунда электрондук байланыш иштелип жатканын айтканы белгиленген. Анын айтымында электрондук байланыш аркылуу ымыркай төрөлгөндөн кийин аны каттоодо ымыркайдын жана ата-энесинин жашаган жери, банк эсебинин номери электрондук түрдө Мамлекеттик каттоо кызматынан Социалдык өнүктүрүү министрлигинин тутумуна жөнөтүлүп турат.

Андан сырткары ал сүйүнчү пул алууда жана жаңы төрөлгөн ымыркайды каттоо үчүн жарандарга Жарандык абал актыларын каттоо кызматына гана кайрылуу жетиштүү боло тургандыгын кошумчалаган.

Ал эми Эмгек жана социалдык өнүктүрүү министри Таалайкүл Исакунова учурда өлкөдө социалдык өнүктүрүү башкармалыктары тарабынан сүйүнчү пул алуу үчүн жарандардан арыздар чогултулуп жатканын айткан.

"Кеңешменин аягында өкмөт башчы Мамлекеттик каттоо кызматына, Маалыматтык технологиялар жана байланыш мамлекеттик комитетине, Эмгек жана социалдык өнүктүрүү министрлигине жана Финансы министрлигине 2018-жылдын 15-февралына чейин сүйүнчү акчаны берүүнүн жөнөкөйлөтүлгөн механизмин жана ченемдик укуктук актыларын иштеп чыгууну тапшырды", - деп айтылат өкмөттүн маалыматында.

Автор: Кенжебай Сатканалиев
Фото: Өкмөттүн басма сөз кызматы

00:36 10-01-2018

Жазылуу

РУБРИКАДАГЫ СОҢКУ КАБАРЛАР

23:17 2025-07-11 | Түркүн дүйнө

"Шереметьево" аэропортунда жерге ыргытылып жабыркаган наристе ооруканадан чыгарылды 891 0

22:48 2025-07-11 | Коом жана турмуш

Түштүк Кореяда 123 кабаттуу эң бийик имаратта эл аралык компания менен иштешип жаткан Диана менен маек 3155 0

22:07 2025-07-11 | Коом жана турмуш

218 миң сомго чейин... Быйыл ЖОЖдордо окуу акысы канча? Тизме 4243 0

21:27 2025-07-11 | Кылмыштар, кырсыктар

Ошто жаш кызга карата туура эмес мамиле жасаган агайга чара көрүлдү 1990 0

20:11 2025-07-11 | Саясат

Үрөй учурган кадрлар! Индонезияда питон адамга кол салды 2501 0

19:22 2025-07-11 | Спорт

Кыргызстандык эки балбан кыз Азия чемпиондугунун финалына чыкты 1075 0

Архив

Комментарийлер (9)

Ayida

2018-01-10 00:42:33

Сапар Исаков жакшы иштей бериниз!Келечекте президент болуп калсаныз!

-7

Ayida

2018-01-10 00:47:24

Пособия жонундо жазгылачы супер!Кандай чечимге келишти экен?!

-3

kadam

2018-01-10 07:32:08

Ayida,Пособие- жөлөк пул маселеси үч айдан кийин каралат.

Sagyn.91

2018-01-10 02:15:57

Бир маселени эптеп чече алышпай 2 айдан бери судуроп журушконуно куйосунда!

Tynybek1989

2018-01-10 02:40:33

Ит итти жумшайт ит куйругуну.....
Бугун эрттен деп жатып качан бир жыйынтыка келер экенсинер.суйунчу пулга ата энесинин паспорту анан туулгандыгы жонундо куболугу болсо болдуда,анча коп кагаздын кереги не.

kadam

2018-01-10 07:34:33

Tynybek1989,Жарандын дарегин тактаган справка да зарыл, болбосо каяктан барып алат? Каттоосу айылда,өзү борбордо жашаса.

tasnim

2018-01-10 13:22:43

Ушинтип дагы 2 ай чукул чогулуш откоруп ошо менен жаап салгыла

Mysoul

2018-01-10 13:40:17

Мындай маселелер каралып которулуп эле аткарылбай жок болот.

Azem2013

2018-01-10 17:14:46

Торолор менен роддомдон эле берип
койсо болот да проблема кылбай

Комментарий калтыруу үчүн өз ысымыңыз менен кириңиз же каттоодон өтүңүз.