Бүгүн, 10-январда Жогорку Кеңештин жалпы жыйынында кинематографиялык чыгармалардын мазмунуна көзөмөлдү күчөтүүгө багытталган мыйзам долбоору сунушталды.“Кинематографияны мамлекеттик колдоо мыйзамына өзгөртүүлөрдү киргизүү жөнүндө” мыйзам долбоорунда согушка, зомбулукка жана ырайымсыздыкка үгүттөгөн мазмундагы тасмаларга тыюу салуу керектиги жазылган. Ошондой эле улуттук, этностук, расалык, социалдык, диний кастыкты тутандырууга багытталган, улуттук же тектик артыкчылык, сабырсыздык жөнүндө, порнографиялык мазмундагы эпизоддорго цензура киргизүү каралган. Мыйзам долбоор өкмөт тарабынан демилгеленген. Мыйзам долбоорун үчүнчү окууда добуш берүүгө жиберди.
