Бүгүн депутат Аида Салянованын иши боюнча соттук отурум уланат

Бүгүн, 11-январда Бишкек шаардык сотунда Жогорку Кеңештин депутаты Аида Салянованын иши каралат. Кечээ, 10-январда соттун курамы толук болбогондугуна байланыштуу жылдырылган.

Буга чейин Аида Саляновага врачтар "жүрөк клапанынын өнөкөт ичкерүүсү" деген диагноз коюшканын айткан жактоочусу соттон отурумду 1 күн бою созбоону, тыныгуу менен өткөрүп турууну өтүнгөн.

Эскерте кетсек, Салянова "Юстиция министри болуп турганда кылмыш жасаганы үчүн издөөдө жүргөн Алексей Елисеевдин адвокаттык лицензиясын узарткан" деп айыпталып, 10-октябрда Ленин райондук соту тарабынан күчөтүлгөн тартипте 5 жылга эркинен ажыратылган. Сот өкүмү анын 2 жаштагы наристеси 14 жашка толгондо күчүнө кирет. Бул чечимге нааразы болгон Салянова шаардык сотко даттанган.

Автор: Жылдыз Джускембаева