Эстрада ырчысы Анжелика Бекболиева күйөөсү Урмат Бекболиев менен ажырашууга арыз жазды.
Белгилүү болгондой, Бишкек шаарындагы Биринчи Май райондук сотуна ажырашуу тууралуу арыз ырчыдан өткөн жылдын декабрь айынын башында түшкөн. Биринчи соттук процесс 2017-жылдын 20-декабрына белгиленип, бирок ага Урмат Бекболиев келбей койгонуна байланыштуу кезектеги соттук кароо 29-январга белгиленген.
Эске салсак, ырчы жеке ишкерге 2006-жылы турмушка чыккан. 10 жылдан ашык убакыт биргеликте түтүн булаткан түгөйлөр 3 кыздуу болушкан.
Акыркы күндөрү ырчы айымдын жеке турмушуна байланышкан түрдүү кептер социалдык тармактарда тарап, кызуу талкууга алынууда.
Анжелика Бекболиеванын турмушунун тегерегиндеги сөздөр жөнүндө кенен маекти эртең, 12-январь күнү жарык көрчү “Супер-Инфонун” жаңы санынан окуй аласыз.