Ак Үйдүн алдына "Трансформация" кыймылы митингге чыкты

Бүгүн, 14-февралда Ак Үйдүн алдына "Трансформация" кыймылы митингге чыкты. Алардын талабы Чүй облусундагы 20 миңге жакын үй курулган жерлерди трансформациялоо.

Аталган кыймылдын жетекчиси Бекназар Айталиев бул маселе 2009-жылдан бери чечилбей жатканын айтты. Митингге болжол менен 40ка жакын адам чыкты.

Эске салсак, "Трансформация" кыймылы 24-январда Ак Үйдүн, өкмөттүн алдына митингге чыгышкан. Аларды Агрардык саясат, суу ресурстары, экология жана регионалдык өнүктүрүү боюнча комитеттин аппаратынын башчысы Тилек Мусаев кабыл алып, маселе карала турганын айткан.

Автор: Нурсултан Нурболот уулу
Фото: Нурсултан Нурболот уулу