NASA Марс планетасынын жаңы видеолорун жарыялады

NASA агенттиги Марс планетасынын так жана даана тартылган тасмаларын, сүрөттөрүн жарыялады. Видеотасмадан планетанын таштак бетин, өзгөчө рельефин жана кеңири чөлдүү аймактарын көрүүгө болот.

Чет өлкөлүк басылмалардын маалыматы боюнча, тасмаларды Марстын бетин изилдеп жаткан "Perseverance" ровери тарткан. Ал планетанын бетинен илимий маалыматтарды Жерге жөнөтүүнү улантууда.

"Ар бир жаңы кадр окумуштууларга Марстын геологиялык түзүлүшүн тереңирээк изилдөөгө, тоо тектеринин курамын талдоого жана планетанын өзгөчөлүктөрүн аныктоого мүмкүнчүлүк берет",- деп белгиленди маалыматта.