1 тонна 464 килограмм беш бармак менен 117 метрлик чучук "Гиннесстин рекорддор китебине" кирери же кирбеси 15 күндүн ичинде белгилүү болот

Бишкекте даярдалган 1 тонна 464 килограмм беш бармак менен 117 метрлик чучук "Гиннесстин рекорддор китебине" кирери же кирбеси 15 күндүн ичинде белгилүү болот. Бул тууралуу "Гиннесстин рекорддор китебинин" Кыргыздагы өкүлү Солтобек Болотбеков даярдалган азыктарды шаар тургундарына таратуу учурунда айтты.

Анын билдирүүсүнө ылайык, мындай көлөмдөгү улуттук тамактарды даярдоо учурунан жана даярдалгандан кийинки көрүнүштөр сүрөткө, видеого тартылып алынган. Эми алар "Гиннесстин рекорддор китебине" сунушталат.

"Жиберилген материалдардын негизинде бизге жооп 10-15 күндүн ичинде келип калат. Биз даяр болгон беш бармакты атайын таразага тарттык. Анын салмагы 1 тонна 464 килограммды түздү", - деди Болотбеков.

Ал эми уюштуруучулардын бири Элнура Кулуева беш бармактын салмагы 1464 килограммга жеткенин, чучуктун жалпы узундугу 117 метрди түзгөнүн кошумчалады.

"Беш бармак 2 тонна салмакка чейинки жүктү өлчөй ала турган атайын сатылып алынган таразага тартылган. Анда анын салмагы 1 тонна 464 килограммды түздү", - дейт Кулуева.

Буга чейин маалымдалгандай, баш калаадагы "Аю гранд комфорт" соода борборуна бүгүн, 11-мартта көптөгөн шаар тургундары топтолгон. Алар "Гиннесстин рекорддор китебине" кирүү үчүн даярдалган 1 тонна беш бармак менен 110 метрлик чучуктан ооз тийүү үчүн келишкен. Уюштуруучулар тарабынан келген тургундарга беш бармак, чучук, боорсоктор таратылды. Иш-чара концерттик программанын жана түрдүү азык-түлүктөрдүн жарманкесинин коштоосунда өттү.

13:35 11-03-2018

Бишкекте даярдалган 110 метрлик чучукту көрсөтүштү

Автор: Бекболсун Молдояр уулу

Жазылуу

РУБРИКАДАГЫ СОҢКУ КАБАРЛАР

22:05 2024-05-10 | Коом жана турмуш

Кеминде сел жүрүп, Тар-Суу-Тегирменти унаа жолуна коркунуч жаратты 418 0

21:31 2024-05-10 | Коом жана турмуш

Ат-Башыда катуу шамал катталып, үйлөрдүн чатырларын учурду 908 0

20:57 2024-05-10 | Коом жана турмуш

Эч ким, эч качан унутулбайт! Улуу Ата Мекендик согуштун ардагери, элдин сыйына татыган Абас Момунов тууралуу баяндайбыз 1235 0

жаңыланды (кошулган 20:57 10-05-2024)

19:47 2024-05-10 | Коом жана турмуш

Өлкөдө акыркы коңгуроого карата окуучулардын коопсуздугу көзөмөлгө алынат 520 0

19:09 2024-05-10 | Түркүн дүйнө

Санкт-Петербургда автобус жүргүнчүлөрү менен дарыяга түшүп кетти (видео) 3447 0

18:56 2024-05-10 | Коом жана турмуш

Ошто "Amanat Run” чуркоо боюнча марафонуна байланыштуу айрым унаа жолдор жабылат 436 0

Архив

Комментарийлер (19)

Osh2017g

2018-03-11 13:37:24

Камыры колго кесилгенби,жэ магазиндин лапшасыбы айтып койсонуздар

-11

Rifle_I

2018-03-11 13:46:42

Osh2017g,колго жасаган сүрөттөр турат.

+15

Isco23

2018-03-11 14:41:35

Osh2017g,ашканада жайылып жасалып аткандар не куймакка даярдарып атабы

+12

Aza030393

2018-03-11 13:38:16

Бекер берсе лом жут болтат тиги жакта элдер))

+22

Rifle_I

2018-03-11 13:47:22

Казактар рекорд койбосо болду эми, 1500кг жасашып.

mira28

2018-03-11 14:06:48

Гинес албаса да ушул куну Шаар Элин чогултуп тамак таратуу сооп иш.Чучук менен беш бармакты коптон бери жебеген адамдар деле бар.Карылар уйуно балдар уйуно да жетсе керек.Пейили кенен кыргыз эли.Уюштуруучуларга чон рахмат.Ийгилик.

+25

dastan_nookat

2018-03-11 14:34:19

Кыргыздын беш бармагы менен чучугу кирсе кандай жакшы кирип калсын эми оомин

dastan_nookat

2018-03-11 14:36:05

Уйуштурган адамдарга чоң рахмат айтам

Tyty1990

2018-03-11 14:36:27

На халяву уксус сладкий дегендей бекер тамак учун урушуп туртушуп жулкунбай алып жешсе экен. Дуйно эли карап турган сон маданияттуу болсок жакшы

bond02

2018-03-11 14:42:58

чучуктан бирди беш бармактан бир порция берип жибергиле гиннестин администрациясына.

Kyrgyz_bloger

2018-03-11 15:17:07

Камыры лагмандыкындай го

Kasym_1

2018-03-11 15:21:49

Ошол жерде сүйүнчүлөдү эле го?
Гиннеске кирди деп.

zhykyo

2018-03-11 16:00:51

Kasym_1,тептида чала угуп алып эле

kg_emilbekov

2018-03-11 16:38:07

эми ошончо чыгым болду кирип калсын ин ша аллах

ayana16

2018-03-11 18:14:54

Киргенде мне акча толонуп турабы же нее болот бул Рекорд гиннес же жон эле атыбы рекорд деген.

guku_80r

2018-03-11 23:16:21

ayana16,угушумча 100 000 евро сыйлыгы бар. Анан улут учун коп эле жакшы жактары бар

Ayida

2018-03-11 21:50:08

Камыры жакты колго жайылган бирок эмне мн кести? Аябай соонун болуптур

nurbekasr

2018-03-12 09:34:02

Иий Гиннес аканин рекорддор китебине кире элекби али да бешбармак.Эми алар жаныбарларды коргоо комитети 8 жылкыны союпсуңар деп жалаа жаппаса эле.Бирок жакшы ушунча болгон соң кирсин рекорд китапка.

2016gulanda

2018-03-12 16:07:07

Кудайым эми Гинестер китебине киргенди насип этсинда ушунча аракетти текке кетирбей.

Комментарий калтыруу үчүн өз ысымыңыз менен кириңиз же каттоодон өтүңүз.