Бишкекте “Кереметтер орундалат” аталыштагы стрит-арт жана граффити боюнча 5-эл аралык фестиваль болуп өттү

Фестивалга мэр Иса Өмүркулов да катышты

Сүрөтчүлөрдүн колунан жаралган эмгек

Катышуучу "Бишкек мен сени сүйөм" аттуу сүрөтүн тартты

Фестивалда көрүүчүлөр көп болду

16-июнда жаштардын «BASICOLORS» арт демилгечилер тобу Бишкек шаарынын мэриясынын, Кыргызстандагы Германиянын жана Франциянын элчиликтеринин колдоосу менен стрит-арт жана граффити сүрөт өнөрүнүн V Эл аралык фестивалын өткөрдү. “Кереметтер орундалат” аталышындагы фестивалга Германия, Франция, Кыргызстан жана Казакстан өлкөлөрүнөн 18 сүрөтчү өз чыгармалары менен катышты. “Мени сиздердин чыгармачылыгыңыздар адам катары эле эмес, шаардын мэри катары да кызыктырат. Граффити биздин шаар үчүн - жаңы багыт. Шаарыбыздын мэриясы искусствонун бул түрүн колдойт. 2012-жылы граффити үчүн бир нече троллейбус берилген”,- деди өз сөзүндө мэр Иса Өмүркулов.

Автор: Ширин Жумадилова