КСДП премьер-министрликке Мухаммедкалый Абылгазиевдин талапкерлигин жактырды (өмүр баяны)

19-апрелде Жогорку Кеңештин КСДП фракциясынын кезексиз отуруму өттү. Анын жыйынтыгында премьер-министр кызматына Мухаммедкалый Абылгазиевдин талапкерлиги бир добуштан жактырылды. Бул тууралуу SUPER.KG порталына депутат Дастан Бекешев билдирди.

Анын айтымында, эртең көпчүлүк коалициясы өкмөттүн курамын карайт.

Абылгазиев Мухаммедкалый Дүйшөкеевич 1968-жылдын 20-январында Нарын облусунун Кочкор районундагы Дөң-Алыш айылында туулган. Ал 1994-жылы Айыл чарба институтунун агрономикалык факультетин, 1997-жылы Кыргыз эл аралык университетинин экономика жана бизнес факультетин аяктаган.

1994-1995-жылдары - "Кыргызстан" финансылык-агро өнөр жай компаниясынын директорунун орун басары;

1995-1997-жылдары - "Ажар" ЖЧКсынын аткаруучу директору;

1997-1998-жылдары - өкмөткө караштуу Чакан жана орто бизнести колдоо боюнча мамлекеттик фонддун эксперти;

1998-1999-жылдары - Биринчи Май райондук калкты ишке жайгаштыруу башкармалыгынын башчысы;

1999-2003-жылдары - Бишкек шаардык калкты ишке жайгаштыруу департаментинин директору;

2003-жылы Социалдык фонддун Ички аудит башкармалыгынын башчысы;

2003-2007-жылдары - Социалдык фонддун Чүй облустук башкармалыгынын башчысы;

2007-2009-жылдары - Социалдык фонддун аппарат башчысы;

2009-2010-жылдары - Социалдык фонддун төрагасынын орун басары;

2010-2016-жылдары - Социалдык фонддун төрагасы;

2016-2017-жылдары - Кыргыз Республикасынын өкмөтүнүн биринчи вице-премьер-министри;

2017-жылдын август, сентябрь айларында - президенттин кеңешчиси;