Досалы Эсеналиев президенттик аппараттын жетекчисинин биринчи орун басары болуп дайындалды

Досалы Эсеналиев Кыргыз Республикасынын президентинин аппаратынын жетекчисинин биринчи орун басары болуп дайындалды. Бул тууралуу президенттик аппараттын маалыматтык саясат бөлүмүнөн кабарланды.

Маалыматка ылайык, президент Сооронбай Жээнбеков бүгүн, 20-апрелде тиешелүү жарлыкка кол койду.

Эсеналиев Досалы Акпаралиевич, 1965-жылы 11-апрелде туулган.

Туулган жери - Ала-Бука району, Көк-Серек айылы.

1990-жылы Кыргыз улуттук университетин тарых жана коом таануу багыты боюнча бүтүргөн.

1993-жылы Кыргыз улуттук университетинин "Тарых" бөлүмүнөн аспирантураны аяктаган.

Эмгек жолу :

1999-2001-жылдары - Кыргыз Республикасынын президенттик администрациясынын маалымат кызматынын эксперти;

2001-2008-жылдары - Бүткүл дүйнөлүк банктын "Жакырчылыкты жоюунун стратегиясынын институционалдык колдоо" долбоорунун коомчулук менен байланыш боюнча адиси;

2003-2008-жылдары - президенттик аппараттын маалыматтык саясат бөлүмүнүн башчысы;

2008-2009-жылдары - президенттик администрациянын жетекчисинин орун басары;

2009-2010-жылдары - президенттик аппараттын Жогорку Кеңеш менен байланыш бөлүмүнүн башчысы;

2010-2012-жылдары - "Республика" партиясынын аткаруу комитетинин төрагасы;

2014-жылдан баштап "Бир Бол" партиясынын аткаруу комитетинин башчысы;

2016-жылдан баштап Кыргыз Республикасынын Интеллектуалдык менчик жана инновациялар мамлекеттик кызматынын төрагасы.

Үй-бүлөлүү, 3 баланын атасы.

Автор: Кызжибек Раимова