Динара Ошурахунова, укук коргоочу: "Өкмөттүн өзгөргөн курамы реформа, чоң иштерди жасаган кызматкерлер деп айта албайм"

SUPER.KG порталынын өкмөттүн жаңы курамында кайсы кадрдык чечимдер туура, кайсы чечимдер ката болду деп эсептейсиз деген соболуна укук коргоочу Динара Ошурахунова пикирин билдирди.

Ошурахунова Мухаммедкалый Абылгазиевди жана башка өзгөргөн өкмөттүн курамындагы адамдарды реформа, чоң иштерди жасаган кызматкерлер деп айта албай турганын белгиледи. "Абылгазиев Социалдык өнүктүрүү фондунда иштеп жүргөндө реформа жасаган деп да айта албайм. Президенттик аппараттын жетекчилигинде турганда башкы прокурор Индира Жолдубаеваны кызматтан кетирүү боюнча президенттин сунушун далилдер менен даярдабаганын айтсак болот. Жогорку Кеңештин депутаттары президент эмне себептен Жолдубаеваны алып жаткандыгын сураганда так жооп бере алган жок. Аппарат жетекчи катары сунушту далилдер менен даярдашы керек болчу. Мени таң калтырганы мурунку өкмөттү кетирип, эртеси кайра жаңы өкмөттү түзүп жатканы болууда", - дейт укук коргоочу.

Бахадыр Сулейманов, Рыскелди Момбеков, Эмилбек Каптаев жана башка саясатчылардын пикири төмөнкү шилтемеде.

Автор: Жылдыз Джускембаева