Шашылыш билдирүү! Өлкөдө 25-26-апрелде аба ырайы өзгөрүп, тоолуу аймактарда кар жаайт

Кыргыз өлкөсүндө 25-26-апрель күндөрү аба ырайы кескин түрдө өзгөрүп, нөшөрлөгөн жаан жаайт. Айрым тоолуу аймактарда кар жаашы күтүлүүдө. Бул тууралуу ӨКМнын басма сөз кызматы билдирди.

Маалыматка ылайык, 25-26-апрель күндөрү Чүй, Талас, Ош, Жалал-Абад жана Баткен облустарынын көпчүлүк аймактарында жаан жаап, тоолуу аймактарда карга айланат. Ошондой эле Нарын жана Ысык-Көл облустарында ушундай аба ырайы күтүлүүдө.

Бийик тоолуу аймактарда жолдор тайгак болуп, кар күрткүсү орун алат. Туруксуз аба ырайы транспорттун каттамына тоскоолдуктарды жаратып, электр энергиясын үзгүлтүккө учуратышы ыктымал.

Автор: Бактыгүл Момбекова
Фото: Бактыгүл Момбекова