Депутат Рыскелди Момбеков жол кырсыктары боюнча Жогорку Кеңеште өкмөттүк сааттын 6 айдан бери өткөрүлбөй жатканына нааразы болду. Эл өкүлү өкмөттүк саат өткөрүү боюнча төраганын тапшырмасы аткарылбай жатканын да сынга алды.
“2017-жылдын 5-ноябрында жол кырсыктары боюнча парламентте өкмөттүк саат өткөрүү боюнча маселе көтөргөм. Өкмөт декабрга жылдырган, андан кийин январга жылдырды. Андан бери февраль, март, өкмөттүн өзүнүн мөөнөтү кошо өтүп кетти. Жол кырсыктары күндөн күнгө көбөйүп жатат. Бизди эмне, парламентти өкмөттүн аппараты башкарып жатабы? Анда парламент жетекчилери тиги жерде эмнеге отурат?” - деди эл өкүлү.