Кара-Кулжанын тургундарына электр энергиясына берилүүчү жеңилдиктин көлөмүн 1000 киловатт саатка көтөрүү керектиги айтылды

26-апрелде Кара-Кулжа районундагы 12 айылдык кеңештин төрагалары Жогорку Кеңештин төрагасы Дастанбек Жумабеков менен жолугушуп, райондогу бир катар социалдык көйгөйлөрдү көтөрүштү.

Жолугушууда алар Дастанбек Жумабековго электр энергиясына берилүүчү жеңилдиктин көлөмүн 700 киловатт сааттан 1000 киловатт саатка чейин көтөрүү зарылчылыгын айтышты. Андан тышкары, Кашка-Жол айылдык кеңешинин төрагасы райондо жерлерди трансформациялоо маселеси курч болуп жаткандыгына токтолуп: “Бул көйгөй чечилсе, көптөгөн мекендештерибиз жер которуп, мигрант болуп кетүүдөн баш тартышар эле”, - деди.

Жогорку Кеңештин маалымат кызматынан кабарлашкандай, ошондой эле жолугушууда суу, жол, көпүрө өңдүү көйгөйлөр да көтөрүлүп, аны чечүү жолдору айтылды.

Төрага Дастанбек Жумабеков айыл менен шаарлардын ортосундагы айырмачылыкты азайтуу керектигин белгиледи. “Мамлекет башчыбыздын демилгеси менен быйыл аймактарды өнүктүрүүгө басым жасалууда. Андыктан айыл менен шаарлардын ортосундагы айырмачылыкты азайтып, ал жактагы инфраструктураларды жакшыртууга аракет кылышыбыз керек. Сиздер жергиликтүү кеңештин депутаттары катары көйгөйлөрдү жана аны чечүү жолдорун жакшы билесиздер. Ага ылайык, биз тыгыз кызматташып, эриш-аркак иш алып барабыз деген ишеничтемин”, - деди Жумабеков.

Автор: Жамалидин Парманкулов

10:28 27-04-2018

Жазылуу

РУБРИКАДАГЫ СОҢКУ КАБАРЛАР

10:01 2025-07-05 | Коом жана турмуш

Ошто сууга түшүп кеткен эки өспүрүмдүн сөөгү табылды 35 0

09:40 2025-07-05 | Коом жана турмуш

Бишкекте үч эм наристе төрөлдү 174 0

09:20 2025-07-05 | Коом жана турмуш

Блог: Siberian Wellness – табияттын күчүн илим менен бириктирген компания. Тоолуу Алтай менен Новосибирскке болгон сапар 1779 0

20:51 2025-07-04 | Кылмыштар, кырсыктар

Люксенбургдагы жол кырсыгынан каза болгон баланын жакындары акыйкат издейт (видео) 1956 0

19:34 2025-07-04 | Супер-Инфо

Башкы ролу жок, бирок экинчи пландагы актёрлордун жылдызы Ким Вон Хэ 508 0

19:14 2025-07-04 | Түркүн дүйнө

Голливуд актёру Майкл Мэдсен каза болду 1536 0

Архив

Комментарийлер (6)

MAKALAK

2018-04-27 10:41:12

Кара кулжалыктар не десе ошо болот эми

Gsuita

2018-04-27 11:04:19

Эмнеге Кара кулжалыктарга жеңилдетиш керек? Башка тоолуу аймактар толтура жеңилдетиш керек болсо.

fantomas

2018-04-27 11:17:08

Негизи ошол чектоо Казахстандан электр энергисын сатып алган (импорттогон) жылы киргизилген. Ошондо бийлик бул чектоо убактылуу деп айткан болуучу. Андан бери бир канча жыл отту, биз кайра Озбекистан, Казахстанга электр энергиясын сатып жатабыз, чектоо болсо алынган жок. Кыргызстандын эли коншу олколорго сатылган электр энергиядан кымбат толоп келет мамлекетке.

Бул чектоону дегеле алып салууга давно убакыт жеткен. Ошону спикер кантип билбейт?!! Соке кантип билбейт?!!

fantomas

2018-04-27 11:31:29

Бул чектоону 1000 кВт'ка которолу деп доорубой, биротоло жоюп салгыла... Эл ансыз да кыйналып жашап келет.

Бишкектин жаны конуштарындагы ижарага берилген ит кепеге окшогон тамдарда эч кандай шарт жок. Печка да жок. Колунда жок жаш уй-булолор кичинекей наристелери менен ошого окшогон жер тамдарды ижарага алып жашайт. Кыштын суугунда айла жок ток печке менен жылынышат. Ошолорго кыйын болду баарынан да. Бийлик аларды шайлоо алдында гана эстейби?!!

fantomas

2018-04-27 11:33:55

Спикер эл менен жолугушууга барганы ырас болсо, айткыла озуно, ошол чектоону жоюп салсын...

Же качан гана эл которулуп митингге чыкканда гана кулак салабы элге, оздорун эл окулу деп атаган жепжутарлар?!!

Asyl_Kg

2018-04-27 16:43:17

Кун тийсе да Кара-кулжага тийсин эми......

Комментарий калтыруу үчүн өз ысымыңыз менен кириңиз же каттоодон өтүңүз.