Бишкек шаарында оңдолуп жаткан көчөлөр качан ачылат? (карта, фото)

Бишкек мэриясынын маалыматына ылайык, бүгүнкү күндө борбор шаардагы 23 көчөнүн айрым бөлүктөрү оңдоо иштерине байланыштуу жабык.

Мэриянын алдындагы капиталдык курулуш боюнча башкармалыгынын башчысы Нурлан Эшенбаев SUPER.KG порталына оңдолуп жаткан жолдор боюнча айтып берди. Анын айтымында, жолдорду оңдоо иштери Кытай мамлекети бөлгөн гранттык каражаттын негизинде “Чайна Роуд” компаниясы тарабынан ишке ашырылып жатат.

"Кытай тарап менен жол куруу жана оңдоо боюнча 2 келишим түзүлгөн. Биринчиси - 2016-жылдан бери иштеп келе жатат. Анын баасы 478 миллион юанды (4 миллиард 780 миллион сом) түзөт. Ал жолдорду оңдоо, өнүктүрүү тууралуу келишим.

Экинчиси - шаардын жолдорун калыбына келтирүү жөнүндө 2017-жылы түзүлгөн келишим. Бул келишим 160 миллион юанга (1 миллиард 600 миң сом) түзүлгөн. Учурда ушул келишимге ылайык, Бишкек шаарындагы 23 көчөнүн бөлүгү - жалпы 38 чакырым жол оңдолуп жатат", - деди Эшенбаев.

Айта кетсек, учурда Бишкек шаарындагы унаа көчөлөрүнүн асфальтын жаңыртуу, тротуарларды салуу, арыктарга лотокторду орнотуу иштери жүрүүдө. Оңдолуп жаткан көчөлөрдүн бүтө турган мөөнөтү ар башка, айрым көчөлөр жаз мезгилинин аягында эле бүтсө, айрымдары ушул жылдын күз айларына чейин созулат.

Бишкекте убактылуу жабылган жолдордун картасын SUPER.KG порталы түзүп чыкты.

Автор: Бекболсун Молдояр уулу
Фото: Мундуз Нурланбек уулу

07:30 04-05-2018

Жазылуу

РУБРИКАДАГЫ СОҢКУ КАБАРЛАР

17:48 2025-07-03 | Түркүн дүйнө

Армения Шанхай кызматташтык уюмуна мүчө болуу ниетин билдирди 78 0

17:37 2025-07-03 | Коом жана турмуш

Кыргызстанда ажырашкандардын саны өсүүдө 169 0

17:36 2025-07-03 | Коом жана турмуш

Ошто негизги көчөнүн бири Алымбек датка деп өзгөрдү 201 0

17:19 2025-07-03 | Түркүн дүйнө

Швеция Украинага 157 миллион долларлык аскердик жардам берет 167 0

16:56 2025-07-03 | Түркүн дүйнө

Парижде өзбекстандык миллионер уурдалды 686 0

16:50 2025-07-03 | Коом жана турмуш

Ысык-Көлдө сууга чөгүп бараткан өспүрүмдү куткарган милиция кызматкери сыйланды 278 0

Архив

Комментарийлер (6)

anash

2018-04-30 17:20:37

Жибек жолу Манас качан ачылат экен бутконго???адм айтып койгулачы

Boltbektemiroff

2018-05-01 03:50:26

Ошончо миллиарддаган акчаларга шаардын баарын ондосо болчудай го,кочонун эмнелери ондолуп атат,мурдагыдан озгочолугу бар экенби ?

King_Messi

2018-05-01 07:38:03

Кузундо онолот

jbolotov

2018-05-01 08:26:33

Ким толойт? Мекенди залогко коюп жолду ондобой эле койсо болушмакго, Тажикстандын кейпин кийип калбасак эле болду. Жол учун эле мен билгенден 10000000000 сомдук милдетибиз бар экен Кытайга.Окмот карыз алып баккандан башканы билбей калыптырда.

asha302

2018-05-01 10:02:51

Молодая гвардия/Чуйский сопсонун эле турду эле го жол жөн эле акчаны сапырасынар го чиркин көккө. Андан көрө эски толчоктун жолун оңдобойсуңарбы

Nur92

2018-05-01 10:19:26

Восток 5 эртерээк ачылса жакшы болмок 5-тралик жок үйгө кетүү кыйын болуп калды

Комментарий калтыруу үчүн өз ысымыңыз менен кириңиз же каттоодон өтүңүз.