ЖЫЛНААМА, 3-МАЙ: Бүткүл дүйнөлүк басма сөз эркиндигинин күнү

3-май - Бүткүл дүйнөлүк басма сөз эркиндигинин күнү. Көп мамлекеттердин журналисттери бул күндү белгилеп келишет.

Эл аралык сөз эркиндигинин күнүн белгилөө саамалыгы ЮНЕСКО жана Бириккен улуттар уюму тарабынан көтөрүлүп, аны дүйнөлүк эркин басылмалар кызуу колдоо менен кабыл алган.

Бул күнгө байланыштуу Кыргыз мамлекетинин редакторлору менен журналисттери 2002-жылдын 3-майында майрамга шайкеш "Бишкек декларациясына" кол коюшкан.

Быйыл бул күнгө карата "Медиа Полиси институту", "Интерньюс", "Журналисттер", "Медиаформат" уюмдары президент Сооронбай Жээнбековго кайрылуу жолдоду. Анда уюмдар мамлекет башчысын сөз эркиндигинин абалын анализдеп, маалымат каражаттарын басмырлоодон коргоого даяр экенин билдирүүгө чакырышты.

3-майга карата жылнаама.

Автор: Жылдыз Джускембаева